வெங்கட்பிரபு இயக்கத்தில் நடிகர் விஜய் நடிப்பில் 'GOAT' படம் கடந்த மாதம் வெளியானது. திரையரங்குகளில் வெளியான பிறகு நெட்ஃபிலிக்ஸ் ஓடிடி தளத்திலும் நேற்று வெளியானது. இயக்குநர் வெர்ஷனின் இறுதிப் பணிகள் இன்னும் முடிவடையாததாலும் அதற்கான விஎஃப்எக்ஸ் பணிகள் இன்னும் பாக்கி இருப்பதாலும் தியேட்டர் வெர்ஷனே ஓடிடியிலும் வெளியாகியுள்ளது. உலகம் முழுவதும் பாக்ஸ் ஆஃபிஸில் இந்தப் படம் 500 கோடிக்கும் அதிகமாக வசூலித்துள்ளது. இதனைக் கொண்டாடும் வகையில் நடிகர் விஜய்க்கு 'GOAT' என்ற எழுத்துகள் பொறித்த மோதிரம் ஒன்றை படத்தின் தயாரிப்பாளர்களில் ஒருவரான டி.சிவா கொடுத்துள்ளார்.
இந்த விஷயத்தை தனது எக்ஸ் பக்கத்தில் பகிர்ந்துள்ள இயக்குநர் வெங்கட்பிரபு, ‘தளபதி விஜய் தான் உண்மையான 'GOAT'. அவருக்காக நாங்கள் கொடுத்திருக்கும் மிகச்சரியான பரிசுதான் இது என்று நினைக்கிறேன். டி.சிவா சாருக்கு மிகவும் நன்றி. ‘தளபதி 69’ பட அணியின் முதல் நாளுக்கு வாழ்த்துகள்’ எனத் தெரிவித்துள்ளார். நடிகர் விஜய்க்கு இந்த மோதிரம் பொருத்தமானதாக இருப்பதாக ரசிகர்கள் தெரிவித்து வருகின்றனர்.