நடிகர் விஜயின் ‘GOAT' படத்தில் நடிகை த்ரிஷா செம குத்தாட்டம் போட்டிருக்கிறார். வெங்கட்பிரபு இயக்கத்தில் விஜய், மீனாட்சி செளத்ரி உள்ளிட்டப் பலர் நடித்திருக்கும் ‘GOAT' படம் இன்று வெளியாகி இருக்கிறது. தமிழகத்தில் சிறப்பு காட்சி இன்று ஒரு நாள் மட்டும் காலை 9 மணிக்கு வெளியாகிறது. படத்தில் பல சர்ப்ரைஸ் இருப்பதாக இயக்குநர் வெங்கட்பிரபு கூறியிருக்கிறார். படம் வெற்றி பெற நடிகர் அஜித்தும் முதல் நபராக தனது வாழ்த்துகளைக் கூறியிருக்கிறார்.
விஜய்யின் ‘லியோ’ படத்தின் வெற்றி விழாவில் விஜய்- த்ரிஷா இருவரும் இணைந்து குத்தாட்டம் போடும் பாடல் ஒன்றை அடுத்தப் படத்தில் வைக்குமாறு இயக்குநர் லோகேஷ் கனகராஜிடம் வேண்டுகோள் வைக்கப்பட்டது. ஆனால், அதற்கெல்லாம் வாய்ப்பே இல்லை என விஜய் லோகேஷை கேலி செய்தார்.
ரசிகர்களின் இந்த ஆசையை ’GOAT' படத்தில் நிறைவேற்றி இருக்கிறார் வெங்கட் பிரபு. ஏற்கனவே, த்ரிஷா விஜய்யுடன் குத்தாட்டம் போட்டிருப்பதாக தகவல் வெளியான நிலையில் வெளிநாடுகளில் படம் பார்த்த ரசிகர்கள் அதை உறுதிப்படுத்தி இருக்கிறார்கள். இளம் வயது விஜய்யுடன் த்ரிஷா 'கில்லி' ஆட்டம் போட்டிருக்கிறார். இதற்கு முன்பு விஜய்யுடன் ரோஜா, மீனா, சிம்ரன், நயன்தாரா ஆகியோர் ஒரு பாடலுக்கு நடனமாடி அந்தப் பாடலும் ஹிட் ஆகியிருக்கிறது.
அதுபோல, இந்தப் படத்திலும் த்ரிஷா ‘மட்ட’ பாடலுக்கு விஜயுடன் நடனமாடி இருப்பது ரசிகர்களை குஷிப்படுத்தியிருக்கிறது. முழு பாடலையும் திரையில் பார்ப்பதற்காக ஆவலுடன் காத்திருப்பதாக படம் பார்க்க இருக்கும் ரசிகர் தெரிவித்து வருகின்றனர்.