'சிறுத்தை' சிவா இயக்கத்தில் நடிகர் சூர்யா நடித்திருக்கும் ‘கங்குவா’ திரைப்படம் ரசிகர்கள் மத்தியில் அதிக எதிர்பார்ப்பை ஏற்படுத்தியுள்ளது. பீரியட் கதையாக உருவாகி இருக்கும் இந்தப் படம்தான் சூர்யாவின் கரியரிலேயே அதிக பட்ஜெட்டில் உருவாகி இருக்கும் படம் என்கிறார்கள்.
இந்தப் படத்துக்காக பத்து கிலோ வரையிலான எடை கொண்ட உடை சுமந்து, வாள் வீச்சு சண்டைகள் செய்திருக்கிறார் சூர்யா. பீரியட் போர்ஷனை 3டி-யில் உருவாக்கி இருக்கிறார்கள்.
இரண்டு பாகங்களாக உருவாகி இருக்கும் இந்தப் படத்தின் முதல் பாகம் நிச்சயம் ரசிகர்கள் மத்தியில் பெரும் வரவேற்பைப் பெரும் என படக்குழு நம்பிக்கைத் தெரிவித்துள்ளது. முதல் பாகத்தின் இறுதியில் சூர்யாவுடன் கார்த்தியும் நடித்திருக்கிறார். வில்லன் பாபி தியோலின் மகனாக கார்த்தியின் கதாபாத்திரம் இருக்கும் என்கிறார்கள். முன்பு படத்தில் இருந்து வெளியான கிளிம்ப்ஸ், பாடல்கள் என அனைத்தும் வரவேற்பைப் பெற்ற நிலையில், படத்தின் டிரெய்லர் எப்போது என ரசிகர்கள் கேள்வி எழுப்பி வந்தனர்.
அந்த வகையில், இயக்குநர் சிறுத்த சிவாவின் பிறந்தநாளான ஆகஸ்ட் 12 அன்று டிரெய்லர் எதிர்பார்க்கலாம் எனத் தகவல் வெளியாகியுள்ளது ரசிகர்களைக் குஷிப்படுத்தியுள்ளது. பல வருடங்கள் கழித்து திரையரங்குகளில் சூர்யாவின் படம் வெளியாவதால் ‘கங்குவா’வைக் கொண்டாடக் காத்திருப்பதாகவும் சொல்லி வருகின்றனர் ரசிகர்கள்.
அந்த வகையில், இயக்குநர் சிறுத்தை சிவாவின் பிறந்தநாளான ஆகஸ்ட் 12 அன்று டிரெய்லர் எதிர்பார்க்கலாம் எனத் தகவல் வெளியாகியுள்ளது. பல வருடங்கள் கழித்து திரையரங்குகளில் சூர்யாவின் படம் வெளியாவதால் ‘கங்குவா’வைக் கொண்டாடக் காத்திருக்கிறார்கள் அவரது ரசிகர்கள்.