வெங்கட்பிரபு இயக்கத்தில் நடிகர் விஜய்யின் 'GOAT' படம் நேற்று உலக முழுவதும் வெளியானது. முதல் நாள் வசூல் 73 கோடி ரூபாய் வசூலித்துள்ளது. விஜயகாந்த், அஜித், த்ரிஷா, சிவகார்த்திகேயன் என படத்தில் பல சர்ப்ரைஸ் விஷயங்களை வெங்கட்பிரபு கொடுத்திருந்தது ரசிகர்களுக்கு திரையரங்குகளில் ஸ்பெஷல் தருணங்களாக அமைந்தது. இதில் ஏஐ தொழில்நுட்பம் மூலம் மறைந்த நடிகர் விஜயகாந்தை திரையில் கொண்டு வந்திருந்தார்கள். படம் வெளியாவதற்கு முன்பு நடிகர் விஜய், இயக்குநர் வெங்கட்பிரபு, தயாரிப்பாளர் அர்ச்சனா கல்பாத்தி ஆகியோர் விஜயகாந்த் மனைவி பிரேமலதாவை சந்தித்துப் பேசினர்.
படத்தில் விஜயகாந்த் வரும் காட்சி பற்றி மகன் விஜயபிரபாகரன் மதுரையில் பத்திரிகையாளர்கள் சந்திப்பில் பதில் கொடுத்திருக்கிறார். “நான் இன்னும் ‘GOAT’ படம் பார்க்கவில்லை. ஆனால், அப்பா வரும் காட்சிகளை பலரும் எனக்கு சமூகவலைதளங்களில் அனுப்பி வருகின்றனர். அந்தக் காட்சிகளுக்கு திரையரங்குகளில் ரசிகர்கள் கொண்டாடுவதைப் பார்க்கும்போது புல்லரிக்கிறது” எனக் கூறினார்.