2024-ம் ஆண்டின் பாதியைக் கடந்துவிட்டநிலையில் இதுவரையிலான தமிழ் சினிமா ரிலீஸ்களில் லாபம் பார்த்த படத்தில் முதலிடத்தில் இருக்கிறது ‘கருடன்'. வெற்றிமாறன் தயாரிப்பில் அவரது உதவி இயக்குநரான துரை.செந்தில்குமார் இயக்கியிருக்கும் இந்தப்படத்தில் ‘சூரி' கதாநாயகனாக நடிக்க முக்கிய கதாபாத்திரத்தில் இயக்குநர் சசிக்குமார், உன்னி முகுந்தன் ஆகியோர் நடித்தனர். இந்தப்படத்துக்கு கதை எழுதியவர் இயக்குநர் வெற்றிமாறன்.
30 கோடி ரூபாய்க்கும் மேலாக வசூலாகியிருக்கும் ‘கருடன்’ படத்தின் சக்ஸஸ் மீட் சில நாட்களுக்கு முன்னர் நடந்தது. இந்த வெற்றிவிழாவில் படத்தின் தயாரிப்பாளரும், படத்தின் கதாசிரியருமான வெற்றிமாறன் சூரியின் கடும் உழைப்பைப் பற்றியும், ஓடிடி தளங்கள் குறித்தும் பேசினார்.