நடிகர் ரஜினிகாந்தின் ‘வேட்டையன்’ படம் இன்று திரையரங்குகளில் வெளியாகி இருக்கிறது. ஞானவேல் இயக்கத்தில் வெளியாகி உள்ள இந்தப் படம் ரசிகர்கள் மத்தியில் கலவையான விமர்சனங்களைப் பெற்று வருகிறது. ரஜினியின் படம் பார்க்க ரசிகர்களைப் போலவே பல பிரபலங்களும் ஆர்வமாக முதல் நாள் முதல் காட்சிக்கு வந்துள்ளனர். இந்தப் பட்டியலில் நடிகர் விஜய்யும் இருக்கிறார்.
சென்னை, தேவி திரையரங்கில் படம் பார்த்துவிட்டு சத்தமில்லாமல் விஜய் கார் ஏறி கிளம்பி இருக்கும் வீடியோ இணையத்தில் வெளியாகி உள்ளது. நடிகர் ரஜினிகாந்தின் தீவிரமான ரசிகர் விஜய். சமீபத்தில் கூட ரஜினி இடத்தை விஜய் பிடித்துவிட்டார் என்ற ரசிகர்கள்கள் பஞ்சாயத்தும் ஓடியது. ஆனால், அதை எல்லாம் மீறி இப்போது விஜய் ரஜினி படத்தைப் பார்க்க வந்திருக்கிறார்.
ஆனால், இது பழைய வீடியோ என்றும் விஜய் தற்போது ‘தளபதி 69’ படப்பிடிப்பில் இருக்கிறார் என்றும் ஒரு தகவல் உலா வருவது குறிப்பிடத்தக்கது. நடிகர் ரஜினிகாந்த், இசையமைப்பாளர் அனிருத், லதா ரஜினிகாந்த், செளந்தர்யா, ஐஸ்வர்யா எனப் பல பிரபலங்களும் ரோகிணி திரையரங்கில் இன்று முதல் நாள் முதல் காட்சி பார்த்து ரசித்துள்ளனர்.