கவுண்டம்பாளையம் டு பிக் பாஸ் சீசன் 8. அறிவுரைகள் முதல் அதிரடிகள் வரை பிக் பாஸ் வீட்டுக்குள் காட்ட களம் இறங்கியிருக்கிறார் ரஞ்சித்.
ஆங்கராக அறிமுகமாகி சீரியல் நடிகரான தீபக் டிவி நேயர்களுக்கு மிகப் பரிச்சயமானவர். சமீபத்தில்தான் இவர் நடித்துவந்த 'தமிழும் சரஸ்வதியும்' சீரியல் முடிவுக்கு வந்தது.
கிளாமரில் கலக்க களமிறக்கப்பட்டுள்ளார் நடிகையும், டான்ஸருமான தர்ஷா குப்தா. வெள்ளந்தியாகப் பேசும் தர்ஷா இந்த சீசனில் என்ன சர்ப்ரைஸ் தரப்போகிறார் எனப்போகப் போகத்தான் தெரியும்.
விஜய் சேதுபதி நடிப்பில் சமீபத்தில் வெளியாகி பாராட்டுகளைப் பெற்ற ‘மகாராஜா’ படத்தில் அவரது மகளாக நடித்தவர் சச்சனா. ‘’என்னை அப்பானே நீ கூப்பிடலாம்’’ தைரியம் தந்து பிக்பாஸ் வீட்டுக்குள் அனுப்பியிருக்கிறார் விசே!
டான்ஸ் ஜோடி டான்ஸ் மூலம் விஜய் டிவி ரசிகர்களுக்கு பரிட்சயம் ஆனவர். குக்கு வித் கோமாளியில் கோமாளியாக கலக்கியவர் இந்த முறை பிக் பாஸ் வீட்டுக்குள் நுழைந்திருக்கிறார்.
ஆர்ஜே, யுடியூபர், புத்தக விமர்சகர் எனப் பன்முகம் கொண்ட ஆனந்தி இந்த முறை பிக் பாஸ் போட்டியாளராக உள்ளே நுழைந்திருக்கிறார்.
ஜீ தமிழ் தொலைக்காட்சியில் ஒளிபரப்பாகும் ‘அண்ணா’ சீரியலில் முக்கிய வில்லனாக நடித்துக்கொண்டிருந்த சத்யா சேனல் மாறி விஜய் டிவியின் பிக் பாஸுக்குள் நுழைந்திருக்கிறார்.
‘தென்றல் வந்து என்னைத் தொடும்’, ‘பொன்னி' சீரியல்களில் நெகட்டிவ் கதாபாத்திரங்களில் கலக்கிக்கொண்டிருந்த தர்ஷிகா இந்த சீசன் பிக் பாஸின் முக்கிய போட்டியாளர்.
விஜய் டிவியில் ஒளிபரப்பான ‘செல்லம்மா’ சீரியல் கதாநாயகி. இந்த சீசன் ‘குக்கு வித் கோமாளி'யிலும் கலந்துகொண்டார்.
அன்ஷிதாவின் காதலர் என பிரச்சனையாகி போலீஸ் வரை பஞ்சாயத்துக்குக்குப் போன அர்னாவ் இந்தமுறை ஜோடியாகவே பிக் பாஸ் வீட்டுக்குள் களமிறங்குகிறார்.
சினிமா தயாரிப்பாளரும் யூடியூபில் ஃபேட்மேன் என்கிற பெயரில் பிக் பாஸ் விமர்சனங்களை வெளியிட்டுவந்த ரவீந்தர் இந்தமுறை பிக் பாஸ் வீட்டுக்குள் நுழைந்திருக்கிறார்.
சர்ப்ரைஸ் என்ட்ரியாக பிக் பாஸ் வீட்டுக்குள் கடைசி நேரத்தில் குதித்திருக்கிறார் சென்னையின் கானா பாடகரான ஜெஃப்ரி.
சினிமா மற்றும் டிவி என இரண்டிலும் பயணித்த செளந்தர்யா நஞ்சுண்டன் பிக் பாஸ் போட்டியாளராக களமிறங்குகிறார்.
‘தமிழ் பேச்சு எங்கள் மூச்சு' டிவி நிகழ்ச்சி மூலம் மூச்சுப் பிடிக்கப் பேசி பிரபலமான முத்துக்குமரன் பிக் பாஸ் போட்டியாளராக உள்ளே நுழைந்திருக்கிறார்.
விஜய் டிவியின் ‘பாக்கியலட்சுமி' சீரியலில் நடித்துவந்த விஜே விஷால் போட்டியாளராக களமிறக்கப்பட்டுள்ளார்.
விஜய் டிவியின் முன்னாள் தொகுப்பாளினியான ஜாக்குலின் விஜய் டிவியில் ஒளிபரப்பான தேன்மொழி எனும் சீரியலிலும் நடித்து பிரபலமானவர். முதல் நாளிலேயே கன்டென்ட் கொடுத்து பரபரப்பை பற்ற வைத்திருக்கிறார் ஜாக்குலின்.
பாரதி கண்ணம்மா சீரியல் மூலம் அகில உலகப் புகழ்பெற்ற அருண் பிரசாத் இந்த சீசன் பிக் பாஸ் வீட்டுக்குள் நுழைந்திருக்கிறார்.
இந்த சீசனில் முதன்முதலாக தேர்ந்தெடுக்கப்பட்ட போட்டியாளர் பவித்ரா ஜனினி. விஜய் டிவியில் ஒளிபரப்பான 'ஆபிஸ்', 'தென்றல் வந்து என்னைத் தொடும்' சீரியல்கள் மூலம் மலராக, அபியாக பிரபலமானவர் இவர்.