விஜய் சேதுபதி தொகுத்து வழங்கும் பிக் பாஸ் தமிழ் 8-வது சீசனின் முதல் வீக்கெண்ட் எபிசோட் ஷூட்டிங் சென்னை ஈவிபி ஸ்டுடியோவில் தற்போது நடைபெற்றுவருகிறது. காலையிலேயே ஷூட்டிங் விரைவாகத் தொடங்கினாலும், சில டெக்னிக்கல் பிரச்சனைகளால் சனிக்கிழமை எபிசோட் ஷூட்டிங்கே மாலை 3 மணியளவில்தான் முடிந்தது. தற்போது ஞாயிற்றுக்கிழமை எபிசோடுக்கான ஷூட்டிங் நடந்துவருகிறது.
முதல் வார எலிமினேஷன் நாமினேஷனில் மொத்தம் 6 பேர் இருக்கிறார்கள். செளந்தர்யா நஞ்சுண்டன், ஜாக்குலின், அருண், முத்துக்குமரன், ரஞ்சித், ரவீந்தர் என இவர்களில் யார் இந்த வாரம் வெளியேறுவார்கள் என்கிற பரபரப்புடன் ஷூட்டிங் நடந்துவருகிறது.
இதுவரை கமல்ஹாசன் தொகுத்து வழங்கிய சீசன்களில் சனிக்கிழமை ஒன்று அல்லது இரண்டு பேர் சேவ் செய்யப்படுவார்கள். ஆனால், இந்த முறை விஜய் சேதுபதி சனிக்கிழமை அதாவது இன்றைய எபிசோடில் யாரையும் சேவ் செய்யவில்லை. அதனால், இன்று இரவு 8 அல்லது 9 மணிவாக்கில்தான் முதல் வார எலிமினேஷனில் எவிக்ட் செய்யப்பட்டது யார், சேவ் செய்யப்பட்டது யார் என்பது தெரியவரும்.