விஜய் சேதுபதி தொகுத்து வழங்கும் பிக் பாஸ் சீசன் 8 தற்போது விஜய் டிவியில் ஒளிபரப்பாகிவருகிறது. பொதுவாக ஒவ்வொரு சீசனிலும் பட ப்ரமோஷன் தொடங்கி விளம்பர ப்ரமோஷன்கள் வரை பலவும் இந்த வீட்டுக்குள் நடக்கும். அந்தவகையில் இந்த முறை சிவகார்த்திகேயன் வீட்டுக்குள் போயிருக்கிறார்.
சிவகார்த்திகேயன் நடிப்பில் ‘அமரன்' திரைப்படம் வரும் அக்டோபர் 31-ம் தேதி தீபாவளிக்கு வெளியாகிறது. இந்நிலையில் இந்தப்படத்தின் ப்ரமோஷனுக்காக சிவகார்த்திக்கேயன் பிக் பாஸ் வீட்டுக்குள் நுழைந்திருக்கிறார்.
எப்போதுமே பட ப்ரமோஷனுக்காக ஒரு டீமே வீட்டுக்குள் நுழையும் நிலையில் இந்தமுறை சிவகார்த்திகேயன் மட்டும் சிங்கிளாக வீட்டுக்குள் நுழைந்து படத்தைப் பற்றி போட்டியாளர்களிடம் சிலாகித்துப் பேசியிருக்கிறார்.
கேக் எல்லாம் வெட்டி போட்டியாளர்களுடன் சிவகார்த்திகேயன் கொண்டாடிய எபிசோட் இன்று இரவு ஒளிபரப்பாகிறது. 'அமரன்' படத்தின் சேட்டிலைட் உரிமையை பல மாதங்களாக எந்த சேனலும் வாங்காமல் இருந்தநிலையில் தற்போது விஜய் டிவி வாங்கியிருக்கிறது. அதற்கான ப்ரமோஷன்தான் இது!