விஜய் டிவியில் தினமும் இரவு 9 மணிக்கு ஒளிபரப்பாகும் ‘சிறகடிக்க ஆசை’ சீரியல் இந்த வாரமும் முதல் இடத்தைத் தக்கவைத்துள்ளது. முத்து-மீனாவின் வாழ்க்கையுடன், குடும்ப உறவுகளில் நடக்கும் நட்பு, துரோகம், மோதல்கள், கொண்டாட்டங்கள் உள்ளிட்ட அனைத்தையும் கதையாக்கும் இந்த கூட்டுக்குடும்பக் கதை, தமிழ் மக்களிடம் மிகுந்த வரவேற்பைப் பெற்றுள்ளது.
சன் டிவியில் இரவு 7.30 மணிக்கு ஒளிபரப்பாகும் ‘கயல்’ சீரியல், இந்த வாரம் இரண்டாம் இடத்துக்கு முன்னேறியுள்ளது. கடந்த வாரம் மூன்றாவது இடத்தில் இருந்த கயல், TRP ரேட்டிங்கில் வளர்ச்சி கண்டுள்ளது.
சன் டிவியில் இரவு 9 மணிக்கு ஒளிபரப்பாகும் ‘சிங்கப்பெண்ணே’ இந்த வாரம் 7.55 TRPயுடன் மூன்றாவது இடத்தில் உள்ளது.
விஜய் டிவியில் இரவு 8 மணிக்கு ஒளிபரப்பாகும் ‘பாண்டியன் ஸ்டோர்ஸ் சீசன் 2,’ இந்த வாரம் ‘பாக்கியலட்சுமி’யை முந்தி நான்காவது இடத்தில் இருக்கிறது.
சன் டிவியில் புதியதாக தொடங்கிய ‘மூன்று முடிச்சு’ சீரியல், இரவு 8.30 மணிக்கு ஒளிபரப்பாகி, ஐந்தாவது இடத்தைப் பிடித்துள்ளது.
முந்தைய வாரங்களில் முதல் மூன்று இடங்களில் இருந்த பாக்கியலட்சுமி, இந்த வாரம் ஆறாவது இடத்திற்கு சரிந்துள்ளது. இவ்வளவு காலமும் 8.30 மணி நேரத்தில் ஸ்லாட் லீடராக இருந்த பாக்கியலட்சுமி இந்த இடத்தை இந்த வாரம் 'மூன்று முடிச்சு' சீரியலிடம் இழந்திருக்கிறது.
சன் டிவியில் ஒளிபரப்பாகும் ‘மருமகள்’ தொடரும் 7.19 TRPயுடன் ஆறாவது இடத்தை பாக்கியலட்சுமியுடன் பகிர்ந்திருக்கிறது.
விஜய் டிவியில் இரவு 9.30 மணிக்கு ஒளிபரப்பாகும் ‘சின்ன மருமகள்’ இந்த வாரம் எட்டாவது இடத்தில் உள்ளது. பிக்பாஸ் ஒளிபரப்பாகவுள்ளதால், இந்த சீரியலின் நேரம் மாற்றப்படவுள்ளது.
சன் டிவியில் இரவு 7 மணிக்கு ஒளிபரப்பாகும் ‘சுந்தரி’ சீரியல், இந்த வாரம் ஒன்பதாவது இடத்தைப் பிடித்துள்ளது.
விஜய் டிவியில் இரவு 7.30 மணிக்கு ஒளிபரப்பாகும் ‘ஆஹா கல்யாணம்,’ இந்த வாரம் பத்தாவது இடத்தில் உள்ளது.