வள்ளியை வேலை வாங்கும் ரஞ்சித்!
ரஞ்சித் தீவிரமாக வொர்க் அவுட் செய்து கொண்டிருக்க அந்த வழியாக வள்ளியின் சித்தி வர அவளிடம் ''பாதாம் பால் வேண்டும்... வள்ளியிடம் கொடுத்து அனுப்புங்கள்'' என்று சொல்கிறான். அதன் பிறகு வள்ளி மற்றும் வேலன் என இருவரும் வருகின்றனர். வேலன் கையில் பாலை வைத்துக் கொண்டிருக்க ரஞ்சித் ''நான் வள்ளியைத்தானே கொண்டு வர சொன்னேன்'' என்று கேள்வி கேட்கிறான். ''பால் சூடா இருக்கு... மேடம் கொண்டு வர மாட்டாங்க... அதனாலதான் நான் கொண்டு வந்தேன்'' என்று வேலன் நக்கல் அடிக்கிறான்.
ரஞ்சித்தை திணற விட்ட வேலன்!
அதனைத் தொடர்ந்து ரஞ்சித் ''போட்டிக்கு நான் ரெடி... நீ வந்து வொர்க் அவுட் பண்ணு'' என்று வேலனை கூப்பிட வேலன் ''நமக்கு இதெல்லாம் செட் ஆகாது... வேற ஐட்டம் வச்சிருக்கேன்'' என்று சொல்லி உள்ளே சென்று கர்லா கட்டையை கொண்டு வந்து காட்ட ரஞ்சித் ஜெர்க் ஆகிறான். வேலன் ''இது ஒன்னு போதும்... உடம்ப கல்லு மாதிரி ஆக்கிடும்'' என்று சொல்ல ரஞ்சித்துக்குள் பதற்றம் உருவாகிறது. அவன் அங்கிருந்து கிளம்பிச் செல்கிறான்.
வள்ளியின் கேள்வியும் வேலனின் பதிலும்!
வள்ளி ''உனக்கு இதெல்லாம் சுத்தத் தெரியுமா'' என்று வேலனிடம் கேள்வி கேட்க வேலன் ''நீங்க வேற ஏன் மேடம்... இதெல்லாம் நமக்குத் தெரியாது... சும்மா சொன்னேன்'' என்று உண்மையை உடைக்கிறான்.
டீல் பேசிய ரஞ்சித்!
கர்லா கட்டையை காட்டியதும் ஜெர்க்கான ரஞ்சித் வேலனிடம் சரணடைய முடிவெடுக்கிறான். ''அன்னைக்கு நீ என்னை அடிக்கும்போதே எனக்கு சந்தேகம் இருந்தது. அதுக்கு காரணம் இந்த கர்லா கட்டைதான்னு புரிஞ்சிகிட்டேன். நமக்குள்ள போட்டியெல்லாம் வேண்டாம்... காலேஜுக்கு நீயே பாடிகாடா வள்ளி கூட போ.... நான் மாமாவோட போய் அரசியல் வேலைகளை பார்த்துக்குறேன்'' என டீல் பேசுகிறான்.
அதிர்ச்சியான வேலன்!
வள்ளிக்கு பாடிகாடாகத்தான் போட்டி நடக்கப் போகிறது என்பது வேலனுக்கு தெரிய வர அவன் டென்ஷன் ஆகிறான். நேராக வள்ளியை சந்திக்கும் வேலன் எதுக்கு இந்த போட்டி என்று விசாரிக்க வள்ளியும் உண்மையைச் சொல்ல வேலன் என்ன பாத்தா எப்படி தெரியுது என கோபப்படுகிறான்.
ரேணுகாவுக்கு ஷாக்!
இங்கே வேலனின் வீட்டில் அவனது அம்மா ''கரன்ட் பில் கட்டணும்... வேலனுக்கு போன் போட்டு விஷயத்தை சொல்லு'' என ஆனந்தியிடம் சொல்ல, வேலன் போன் எடுக்காமல் இருக்கிறான். ஆனந்தி ''அண்ணே போன் எடுக்க மாட்றான். அது வேற ஒரு வேலையா பிசியா இருக்கும்'' என்று சொன்னவள் வேலன் மற்றும் ரஞ்சித் இடையே நடக்கப்போகும் போட்டி பற்றி சொல்ல ரேணுகா அதைக் கேட்டு ஷாக் ஆகிறாள்.