விஜய் டிவியில் ஒளிபரப்பாகி வரும் பிரபலமான ப்ரைம் டைம் சீரியல் 'சிறகடிக்க ஆசை'. இதன் ஹீரோவாக நடித்து வருபவர் வெற்றி வசந்த். பல மியூசிக் ஆல்பம் பாடல்களில் நடித்திருந்தாலும், இவருக்கு மிகப்பெரிய அங்கீகாரத்தை 'சிறகடிக்க ஆசை' சீரியல் தான் கொடுத்தது.
சமீபத்தில், விஜய் டிவியில் மதிய நேரத்தில் ஒளிபரப்பாகும் 'பொன்னி' சீரியலில் கதாநாயகியாக நடித்து வரும் வைஷு சுந்தரை காதலிப்பதாக வெளிப்படையாக அறிவித்து, ரசிகர்களிடையே பெரும் கவனம் பெற்றார். மேலும், இருவரும் கடந்த இரண்டு மாதங்களாக காதலித்து வருவதாகவும், இந்த வாரம் திருமண நிச்சயதார்த்தம் நடைபெற இருப்பதாகவும் தெரிவித்திருந்தார்.
இந்நிலையில் வெற்றி வசந்த் மற்றும் வைஷு சுந்தருக்கு திருமண நிச்சயம் நேற்று மாலை மிகுந்த மகிழ்ச்சியுடன் நடந்து முடிந்தது. இந்நிகழ்வில், பல விஜய் டிவி பிரபலங்கள் கலந்து கொண்டு இருவருக்கும் வாழ்த்துகளைத் தெரிவித்துள்ளனர். இவர்களின் நிச்சயதார்த்த புகைப்படங்கள் சமூக வலைதளங்களில் வைரலாக, இருவரும் வாழ்த்து மழையால் நனைந்து வருகின்றனர்.