தீயாய் வெளியான ‘கங்குவா’ ட்ரைய்லர்; இந்த விஷயத்தை நோட் பண்ணீங்களா?!

இயக்குநர் 'சிறுத்தை' சிவா பிறந்தநாளை ஒட்டி நடிகர் சூர்யாவின் ‘கங்குவா’ படத்தின் டிரெய்லர் வெளியாகி இருக்கிறது. கதாநாயகன் சூர்யாவுக்கும் வில்லன் பாபி தியோலுக்கும் இடையிலான போர்க்கள காட்சிகளை மையப்படுத்தி இந்த ட்ரெய்லர் இருக்கிறது. வன்மம் தெறிக்கும் கண்களோடு கங்குவாவை அழிக்க வேண்டும் என்ற கோபத்தோடு தன் வில்லன் கதாபாத்திரத்துக்கு நியாயம் சேர்க்கிறார் பாபி தியோல்.

முறுக்கேற்றிய உடம்பு, தன் இனத்தைக் காக்க வேண்டும் என்ற தாகம் என தீயாய் அலையும் கங்கனாக சூர்யா மிரட்டுகிறார். நிச்சயம் அவரது ரசிகர்களுக்கு மறக்க முடியாத திரை அனுபவமாக ’கங்குவா’ இருக்கும் என்பதில் சந்தேகம் இல்லை.

அதுபோலவே, ‘கங்குவா’ படத்தில் நடிகர்கள் கார்த்தி-சூர்யா இருவரும் இணைந்து நடிக்க இருக்கிறார்கள் என முன்பே தகவல் கசிந்தது. கிட்டத்தட்ட அதை டிரெய்லரும் உறுதிப்படுத்தியுள்ளது. டிரெய்லரின் இறுதியில் நடிகர் கார்த்தி குதிரையில் மங்கலாக வரும்படியான காட்சி அமைந்திருக்கிறது. வில்லன் பாபி தியோலின் மகன்தான் கார்த்தி எனப் பலரும் சொல்லி வருகின்றனர். அந்த சஸ்பென்சைதான் டிரெய்லர் இறுதியில் வைத்துள்ளார்கள் எனவும் கூறி வருகின்றனர் ரசிகர்கள்.