புன்னகையும், பூரிப்புமாக தொடங்கிய தளபதி 69... கேஷுவல் விஜய்யின் கணக்கு என்ன?!

நடிகர் விஜய் தனது கடைசிப் படமாக ’தளபதி 69’ படத்தை அறிவித்துள்ளார். இந்தப் படத்தை ஹெச். வினோத் இயக்குகிறார். விஜய்க்கு ஜோடியாக பூஜா ஹெக்டே நடிக்க நடிகர்கள் பிரகாஷ்ராஜ், மமிதா பைஜூ, கெளதம் வாசுதேவ் மேனன், பாபி தியோல், நரேன் உள்ளிட்டப் பலர் இந்தப் படத்தில் நடிக்கின்றனர். இதற்கு முன்னதாக ஹெச்.வினோத் கமல்ஹாசனுக்கு சொல்லி கைவிடப்பட்ட கதைதான் ‘தளபதி 69’ எனவும் ஒர் தகவல் வெளியானது. நீல நிறப் பின்னணியில் அமைந்திருக்கும் இந்த போஸ்டரில் விஜய் கையில் தீப்பந்தத்தோடு நிற்பார்.

இன்று இந்தப் படத்திற்கான பூஜை நடைபெற்றது. அதேசமயம் விஜய்யின் அரசியல் மாநாட்டிற்கான பூமி பூஜையும் இன்று நடந்திருப்பது குறிப்பிடத்தக்கது. விஜய் மாநாட்டு பூஜையில் பங்கேற்காமல் படத்தின் பூஜையில் பங்கேற்று இருக்கிறாரா என்ற விமர்சனங்களும் எழுந்திருக்கிறது. இந்தப் படத்திற்கான படப்பிடிப்பு நாளை முதல் தொடங்க இருக்கிறது.

முதல் கட்டமாக படத்தின் பாடல் காட்சிகள் படமாக்கப்பட இருக்கிறது. ‘GOAT’ படத்தில் நடிகை த்ரிஷா சிறப்பு பாடலுக்கு நடனமாடிய ‘மட்ட...’ பாடலுக்கு நடனம் அமைத்த நடன இயக்குநர் சேகர் என்பவர்தான் இந்தப் பாடலுக்கும் நடனம் அமைக்கிறார் என்ற செய்தியும் சொல்லப்படுகிறது. இந்த வருடம் அக்டோபர் மாதம் தொடங்கும் படப்பிடிப்பு அடுத்த வருடம் நிறைவடைந்து, 2025 தீபாவளிக்கு வெளியாகும் எனவும் படக்குழு தெரிவித்துள்ளது.

அரசியல் பயணத்துக்கு முன்பாக இந்தப்படத்தில் தன்னுடைய கொள்கைகளை எல்லாம் சொல்லிவிட வேண்டும் எனக் கணக்குப் போட்டிருக்கிறாராம் விஜய்!