'GOAT' படத்தில் செம ஆட்டம் போட்ட த்ரிஷா... ஒரு பாடலுக்கு சம்பளம் எவ்வளவு தெரியுமா?
நடிகர் விஜய் நடித்துள்ள 'GOAT' திரைப்படம் நேற்று முன் தினம் வெளியானது. முதல் நாளில் மட்டும் உலகம் முழுவதும் சுமார் ரூ.126 கோடி வசூல் செய்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது. அப்பா- மகன் என இரட்டை கதாபாத்திரத்தில் நடிகர் விஜய் இந்த படத்தில் நடித்திருக்கிறார். குறிப்பாக, மகன் விஜய்யின் டீ-ஏஜிங் கதாபாத்திரத்தை பெரும்பாலான ரசிகர்களை திருப்திப்படுத்தும் வகையிலேயே இயக்குநர் வெங்கட் பிரபு திரையில் கொண்டு வந்திருக்கிறார். படத்தில் ஏஐ விஜயகாந்த், நடிகர் அஜித் ரெஃபரன்ஸ், கிளைமாக்ஸில் நடிகர் சிவகார்த்திகேயன் என பல சர்ப்ரைஸ் இடம்பெற்று இருந்தது. அதில், நடிகை த்ரிஷா விஜய்யுடன் இணைந்து 'மட்ட' பாடலுக்கு செம குத்தாட்டம் போட்டிருக்கும் சர்ப்ரைஸ் ரசிகர்களை அதிகம் கவர்ந்ததாக உள்ளது.
'கில்லி' படத்தில் 'அப்படி போடு...' பாடலின் சிக்னேச்சர் நடன அசைவையும் 'மட்ட..' பாடலில் ரீகிரியேட் செய்திருந்தது குறிப்பிடத்தக்கது. இந்த பாடலுக்கு த்ரிஷா வாங்கி இருக்கும் சம்பள விவரம் வெளியாகியுள்ளது. அதாவது, 'மட்ட' பாடலுக்கு மட்டும் 5 கோடி ரூபாய் சம்பளம் வாங்கி இருக்கிறார். ஒரு படத்திற்கு ரூ. 10 கோடியிலிருந்து 12 கோடி ரூபாய் வரை நடிகை த்ரிஷா சம்பளம் பெறுவதாக தெரிகிறது. GOAT படத்தில் ஒரு பாடலுக்கு மட்டும் நடனமாட தனது சம்பளத்தில் பாதி வாங்கி இருக்கிறார் த்ரிஷா. அடுத்து 'தக் லைஃப்', 'விடாமுயற்சி', நடிகர் சிரஞ்சீவியுடன் ஒரு படம் என த்ரிஷா நடிப்பில் படங்கள் வரிசையாக வெளியாக உள்ளது.
