மணிமேகலைக்கு பிரியங்காவின் பதிலடி.... வைரலாகும் பதிவு!

மணிமேகலை குறித்த சர்ச்சைக்கு பிரியங்கா சைலன்ட்டாக பதிலடி கொடுத்தார் என அவரது பதிவை இணையவாசிகள் விமர்சித்து வருகின்றனர். விஜய் தொலைக்காட்சியில் ஒளிபரப்பாகி வந்த சமையல் ரியாலிட்டி நிகழ்ச்சியான ‘குக் வித் கோமாளி’யின் ஐந்தாவது சீசன் நேற்று முடிவுக்கு வந்தது. இதன் டைட்டில் வின்னராக விஜய் டிவியின் தொகுப்பாளினி பிரியங்கா அறிவிக்கப்பட்டார். அவருக்கு ரூ. 5 லட்சம் பரிசுத் தொகையும் கொடுக்கப்பட்டது. இந்த நிகழ்ச்சியை மணிமேகலைதான் தொகுத்து வழங்கி வந்தார். ஆனால், தனது தொகுப்பாளினி பணியில் பிரியங்கா அடிக்கடி தலையிடுவதாகவும் தனது சுயமரியாதைக்காக அந்த நிகழ்ச்சியில் இருந்து விலகுவதாகவும் மணிமேகலை வீடியோ வெளியிட்டு அதிரடி காட்டினார்.

இந்த விஷயம் இணையவெளியில் விவாதமானது. பிரியங்காவுக்கும் மணிமேகலைக்கும் ஆதரவு பெருகியது. இப்படியான சூழலில் ‘குக் வித் கோமாளி’ சீசன் ஐந்தின் டைட்டில் வின்னராக பிரியங்கா தேர்ந்தெடுக்கப்பட்டது விமர்சனத்திற்குள்ளானது. இதன் மூலம் பிரியங்காவுக்குதான் தனது ஆதரவு என்பதை விஜய் தொலைக்காட்சி மறைமுகமாக உறுதிப்படுத்தி இருக்கிறது என்றும் கூறிவருகின்றனர். டைட்டில் வின்னர் அறிவிக்கப்பட்டதற்கு நன்றி தெரிவித்து பிரியங்கா தனது சமூகவலைதளத்தில் பதிவு ஒன்றைப் பகிர்ந்துள்ளார்.

கிச்சன் சூப்பர் ஸ்டார் நிகழ்ச்சியில் தான் கலந்து கொண்டபோது தவற விட்டதை குக் வித் கோமாளி நிகழ்ச்சி மூலம் தான் பிடித்து விட்டதாகவும் சமைப்பது, பறப்பது, நீந்துவது என எதைக் கொடுத்தாலும் சமைக்கும் அளவிற்கு தான் சமையல் எக்ஸ்பர்ட் என்றும் தனக்கே உரிய பாணியில் குஷியோடு தெரிவித்திருக்கிறார். "இந்த நிகழ்ச்சியில் உங்களுக்கு மகிழ்ச்சியும் பாசிட்டிவிட்டியும் கொடுத்திருக்கிறேன். என்னை சுற்றி இருப்பவர்களை எப்போதும் கம்ஃபர்ட் சோனில் வைத்திருக்கத்தான் விரும்புவேன். ஆனால், என் வளர்ச்சி அவர்களுக்கு உறுத்துவதால் அது அப்படி தோன்றாமல் இருந்திருக்கலாம்’' எனக் கூறியிருக்கிறார். இதை கவனித்தப் பலரும் மணிமேகலைக்குதான் பிரியங்கா மறைமுகமாக பதிலடி கொடுத்திருக்கிறார் எனக் கூறி வருகின்றனர்.