Team India Hai Hum: உலகக்கோப்பை வெற்றி... ரோஹித், கோலிக்கு ஸ்பெஷல் பாடலை அர்ப்பணித்த ஏ.ஆர்.ரஹ்மான்!

ரோஹித், கோலி தலைமையிலான இந்திய கிரிக்கெட் அணி உலகக்கோப்பையை வென்றதற்கு மோடி முதல் சச்சின் வரை எல்லோருமே வாழ்த்து தெரிவித்துவருகிறார்கள். எல்லோரும் பாராட்டி எழுதியும், பேசியும் வர, இசைப்புயல் ஏ.ஆர்.ரஹ்மான் தனது ஸ்டைலில் ஸ்பெஷல் பாடல் பாடி இந்திய அணிக்கு அர்ப்பணித்திருக்கிறார்.

‘மைதான்' எனும் இந்திப்படத்தில் ஏ.ஆர்.ரஹ்மான் இசையில் வெளியான பாடல் Team India Hai Hum (நாங்க இந்திய அணி). இந்தப்பாடலை மீண்டும் ஒருமுறை தன்னுடைய ஸ்டுடியோவில், தன் இசைக்கல்லூரியில் பயிலும் மாணவர்களைக் கொண்டு பாடி, பாடலை அர்ப்பணித்திருக்கிறார் ரஹ்மான்.  நேற்று இரவு யூ-ட்யூபில் வெளியான இந்தப்பாடலின் வீடியோ பெரிய வரவேற்பை பெற்றுவருகிறது.

ஏ.ஆர்.ரஹ்மான் இசைக்கும், அவரது குரலுக்கு ஒரு தேசத்தை எழுச்சியைத் தூண்டும் வல்லமை உண்டு. அது இந்த Team India Hai Hum பாடலிலும் எதிரொளிக்கிறது.  ஒரு கிரிக்கெட் போட்டியின் ஏற்ற, தாழ்வுகளைப் பிரதிபலிக்கும் வகையில் ரஹ்மானின் குரல் உணர்ச்சிகரமாகவும், பவர்ஃபுல்லாகவும் உள்ளது.