அதிரடியாக தொடங்கிய பிக் பாஸ் 8... வெளியான முதல் புரோமோ!

பிக் பாஸ் ரியாலிட்டி நிகழ்ச்சிக்கு என்றே தனி ரசிகர்கள் பட்டாளம் உள்ளது. இந்தியாவிலும் தமிழ், இந்தி, தெலுங்கு, மலையாளம், கன்னடம் ஆகிய மொழிகளில் இந்த நிகழ்ச்சி ஒளிபரப்பாகி வருகிறது. இதில், தமிழில் எட்டாவது சீசன் விரைவில் ஒளிபரப்பாக இருக்கிறது. இதில் நடிகர் கமல்ஹாசன் விலக, அவருக்குப் பதிலாக விஜய்சேதுபதி தொகுத்து வழங்கலாம் என சொல்லப்படுகிறது.

தமிழுக்கு முன்பே, தெலுங்கில் எட்டாவது சீசன் தொடங்கி இருக்கிறது. இதில் முதல் சீசனை நடிகர் ஜூனியர் என்.டி.ஆர். தொகுத்து வழங்கினார். இரண்டாவது சீசனை நடிகர் நானி தொகுத்து வழங்கியிருக்க மூன்றாவது சீசனில் இருந்து நடிகர் நாகர்ஜூனா தொகுத்து வழங்கி வருகிறார். இதில் எட்டாவது சீசனையும் இவரே தொகுத்து வழங்குகிறார் என்பதை தற்போது வெளியாகியுள்ள புரோமோ உறுதிப்படுத்தியுள்ளது.

கடந்த ஏழாவது சீசனில் பொதுமக்களில் ஒருவராக கலந்து கொண்ட பல்லவி பிரஷாந்த் டைட்டில் வின்னராக இருந்தார். இந்த சீசனில் ரிது சௌத்ரி, நடிகை சனா, அனில் கீலா, யூடியூபர் யாதம் ராஜு, அஞ்சலி பவானி, தொகுப்பாளர் விந்தியா விஷாகா, கிராக் ஆர்பி, நடிகை காயத்ரி குப்தா, செய்தி வாசிப்பாளர் மற்றும் தொகுப்பாளினி கல்யாணி உள்ளிட்டப் பலரது பெயர்கள் அடிபடுகிறது. ஆனால், இறுதி செய்ப்பட்ட போட்டியாளர்கள் பெயர்கள் இன்னும் அதிகாரப்பூர்வமாக அறிவிக்கப்படவில்லை.