மாஸ்கோ துப்பாக்கி ஷூட்டிங்கில் இரட்டை விஜய்… இதுவரைக் காணாத படமாக இருக்குமா GOAT?

நடிகர் விஜய்யின் 50-வது பிறந்தநாளை முன்னிட்டு அவர் நடித்திருக்கும் GOAT படத்தின் இரண்டாவது பாடல் “சின்ன சின்னக் கண்கள்” இன்று மாலை 6 மணிக்கு வெளியாகிறது.

பாடல் வெளியீட்டுக்கு முன்பாக நள்ளிரவு 12 மணிக்கு TheGOATBDayShots என்கிற பெயரில் 51 விநாடிகள் கொண்ட வீடியோ ஒன்றை வெளியிட்டது படக்குழு.

இதில் இரண்டு விஜய் பைக்கில் பயணிக்க, ஒரு விஜய் பைக்கை வேகமாக ஓட்ட, இன்னொரு விஜய் துப்பாக்கியால் சுடுகிறார். 

Its time to see the Unseen, It's time to hear the unheard என இதுவரை காணாததைக் காண வேண்டிய நேரம், இதுவரை கேட்காததைக் கேட்கும் நேரம் என்கிற வாசகங்களோடு தொடங்குகிறது இந்த GOAT வீடியோ.

2004-ம் ஆண்டு மாஸ்கோவில் நடைபெற்ற மெட்ரோ ரயில் தீவிரவாதத் தாக்குதலைப்பற்றிய காட்சிகள் இந்தப்படத்தில் இடம்பெறுகிறது. அதன் ஒருபகுதியாகவே இந்த ஷார்ட் வீடியோ ஆக்‌ஷன் காட்சிகள் இடம்பெற்றிருப்பது குறிப்பிடத்தக்கது.

இன்று மாலை வெளியாக இருக்கும் பாடலை மறைந்த பாடகியும், இசையமைப்பாளர் இளையராஜாவின் மகளுமாகிய பவதாரிணி விஜய்யோடு இணைந்து பாடியிருக்கிறார். பாடலின் Glimpse வீடியோவையும் படக்குழு நேற்று வெளியிட்டிருந்தது.