‘கங்குவா-2 டீசர்... அண்ணன் சூர்யாவுடன் இணைந்து நடித்த தம்பி கார்த்தி!

சிறுத்தை சிவா இயக்கத்தில் பிரமாண்டமாக தயாராகியிருக்கும் படம் ‘கங்குவா’. இந்தப்படத்ததின் படப்பிடிப்பு முழுவதுமாக முடிந்து சிஜி வேலைகளும் கிட்டத்தட்ட நிறைவடைந்துவிட்டன. இந்த ஆண்டு அக்டோபர் 10-ம் தேதி ஆயுதபூஜை விடுமுறையை ஒட்டி ரிலீஸாக இருக்கும் ‘கங்குவா’ படத்துக்கான இரண்டாவது பாகமும் தயாராக இருக்கிறது.

இந்த 'கங்குவா' இரண்டாம் பாகத்துக்கான முன்னோட்டம் இன்று சென்னையில் படமாக்கப்பட்டது. இதில் சூர்யாவோடு இணைந்து கார்த்தியும் நடித்திருக்கிறார். நீண்ட நாட்களாக அண்ணனும், தம்பியும் எப்போது திரையில் இணைந்து நடிப்பார்கள் என்கிற கேள்வி எழுந்துவந்த நிலையில் கங்குவா-2 படத்தில் இருவரும் இணைந்து நடிப்பது உறுதியாகியிருக்கிறது.

'கங்குவா 2' படத்துக்கான டீசர் 'கங்குவா' படத்தின் இறுதியில் இடம்பெறும் என எதிர்பார்க்கப்படுகிறது. இரண்டாம் பாகத்தின் படப்பிடிப்பு 2025 இறுதி அல்லது 2026-ல் நடைபெறும் எனத்தெரிகிறது. 2027-ல் 'கங்குவா 2' படத்தை ரிலீஸ் செய்ய திட்டமிட்டிருக்கிறார்கள்.