'குக்கு வித் கோமாளி’... இறுதிப் போட்டியில் மணிமேகலையின் இடத்தை நிரப்பியது யார்?!

விஜய் தொலைக்காட்சியில் ஒளிபரப்பாகி வரும் ‘குக்கு வித் கோமாளி’ சமையல் ரியாலிட்டி நிகழ்ச்சி ரசிகர்களின் மனம் கவர்ந்த ஒன்றாக இருக்கிறது. ஆனால், கடந்த நான்கு சீசன்களிலும் இல்லாத அளவுக்கு தற்போது ஒளிபரப்பாகி வரும் ஐந்தாவது சீசன் சர்ச்சைக்குள்ளாகி உள்ளது. இதற்கு காரணம் மணிமேகலை, பிரியங்கா இடையே நடந்த பஞ்சாயத்துதான்.

இதற்கு முந்தைய சீசன்களில் கோமாளியாக இருந்த மணிமேகலை இந்த சீசனில் நிகழ்ச்சியை தொகுத்து வழங்கினார். தொகுப்பாளர் பிரியங்காவும் போட்டியாளராக கலந்து கொண்டார். ஆனால், போட்டியாளராக மட்டுமல்லாது தொகுப்பாளர் பணியையும் சேர்த்து எடுத்து கொண்டு தன்னை அவர் தன்னை வேலை பார்க்க விடாமல் டாமினேட் செய்வதாக பரபரப்பு புகார் சொல்லி நிகழ்ச்சியை விட்டு விலகினார் மணிமேகலை.

சீசன் முடிய இருக்கும் சமயத்தில் அவர் கிளப்பிய இந்த பஞ்சாயத்து சின்னத்திரை வட்டாரத்தில் பெரும் பேசுபொருளானது. இந்த விஷயத்தில் பிரியங்கா, மணிமேகலை இருவரையுமே விட்டுக் கொடுக்காமல் குக்கு வித் கோமாளி நிகழ்ச்சியின் போட்டியாளர்கள் சப்போர்ட் செய்து பேசியதை பார்க்க முடிந்தது.

அக்டோபர் 6ஆம் தேதி பிக்பாஸ் நிகழ்ச்சியின் எட்டாவது சீசன் தொடங்க இருப்பதால், இந்த வாரத்தோடு ’குக் வித் கோமாளி’ முடிய இருக்கிறது. இறுதி எபிசோடு என்பதால் தொகுப்பாளர் ரக்‌ஷனோடு சேர்ந்து இந்த நிகழ்ச்சியின் கோமாளியான புகழ் நிகழ்ச்சியை தொகுத்து வழங்கி இருக்கிறார். இறுதிப்போட்டியில் பிரியங்கா மகுடம் சூடியது குறிப்பிடத்தக்கது!