'GOAT' படத்தின் ட்ரெய்லர்... ரசிகர்களுக்கு அப்டேட் கொடுத்த வெங்கட்பிரபு!

இயக்குநர் வெங்கட்பிரபு இயக்கத்தில் நடிகர் விஜய் நடித்துள்ள ’GOAT’ திரைப்படம் வரும் செப்டம்பர் மாதம் வெளியாக இருக்கிறது. படம் வெளியாக இன்னும் சில வாரங்களே இருக்கும் நிலையில், படத்தின் புரோமோஷனைப் படக்குழு தீவிரப்படுத்தியுள்ளது. யுவன் இசையில் படத்தில் இருந்து விஜய் குரலில் இரண்டு பாடல்கள் வெளியானது. இன்று மாலை மூன்றாவது பாடலுக்கான புரோமோ வெளியாக உள்ளது. 

இந்த நிலையில், வெங்கட்பிரபு ‘நண்பன் ஒருவன் வந்த பிறகு’ என்ற படத்தை வழங்குகிறார். இதற்கான சிறப்புத் திரையிடலில் அவர் கலந்து கொண்டபோது அவரிடம் ’GOAT’ படத்தின் ட்ரெய்லர் எப்போது வெளியாகும் எனக் கேட்கப்பட்டது.

அதற்கு அவர், “படத்தின் ட்ரெய்லர் வழக்கமாக படம் வெளியாவதற்கு பத்து, பதினைந்து நாட்களுக்கு முன்புதான் வெளியாகும். எல்லாருமே அதைத்தான் பின்பற்றுகிறார்கள். அதனால், இந்த மாத இறுதியில் நீங்கள் ’GOAT’ படத்தின் ட்ரெய்லரை எதிர்பார்க்கலாம்” என்று சொல்லி இருக்கிறார். 

இந்தப் படத்தில் விஜய் அப்பா- மகன் என இரட்டை வேடத்தில் நடித்திருக்கிறார்.