‘’விஜய்யிடம் என்னை ஏன் தேர்ந்தெடுத்தீர்கள் எனக் கேட்டேன்'’ - தவெக கொள்கைப் பாடல் பாடிய அறிவு!
இந்த கொள்கை விளக்கப் பாடலை ராப் பாடகர் அறிவு கம்போஸ் செய்து பாடியிருந்தார். இந்தப்பாடலில் விஜய்யும் பாடியிருக்கிறார்.
இதற்கிடையே இந்தப் பாடல் அனுபவம் குறித்து தனது சமூக வலைதளப் பக்கத்தில் சந்தோஷத்துடன் பகிர்ந்திருக்கிறார் அறிவு. “அவரிடம்(விஜய்யிடம்) ‘என்னை ஏன் தேர்ந்தெடுத்தீர்கள்’ எனக் கேட்டேன். அவர் உடனே ‘உன்னாலதான் இதை செய்ய முடியும்’ என்றார். தவெகவின் கொள்கைப் பாடலை கம்போஸ் செய்ய என் மேல் நம்பிக்கைவைத்த உங்களுக்கு நன்றிகள் விஜய் சார். உங்கள் குரலை ரெக்கார்டிங் செய்தது என் வாழ்நாள் நினைவாக இருக்கும். உங்கள் அரசியல் பயணம் வெற்றிகரமாக வாழ்த்துகள்'’ என தனது மகிழ்ச்சியைப் பகிர்ந்திருக்கிறார் அறிவு.
இந்தக் கொள்கை பாடல் தமிழக வெற்றிக்கழகத்தின் கொள்கைகளை மட்டுமின்றி, சமூகத்தில் வலுப்பெற்ற தீர்மானங்களை பொதுமக்கள் மத்தியில் உரக்க சொல்லும் வகையில் அமைந்துள்ளது.
விஜய் தரப்பில் அறிவின் பங்களிப்புக்கு மிகுந்த பாராட்டுக்கள் கிடைத்துள்ளதோடு, பாடலின் மூலம் தமிழக வெற்றிக்கழகத்தின் கொள்கைகளையும், புதிய அடையாளத்தையும் வெளிப்படுத்தும் வகையில் அமைந்துள்ளது.
