கூமுட்டை என்று கூறிய சீமானுக்கு பிறந்த நாள் வாழ்த்துக் கூறிய விஜய்!
தன்னை மிகக் கடுமையாக விமர்சித்துப் பேசியிருந்தாலும் கூட நாம் தமிழர் கட்சி தலைமை ஒருங்கிணைப்பாளர் சீமானுக்கு நடிகரும் தமிழக வெற்றிக் கழகத் தலைவருமான விஜய் பிறந்த நாள் வாழ்த்துக் கூறியுள்ளார்.
அரசியல் தலைவர்களின் பிறந்த நாள், முக்கிய திருவிழாக்களுக்கு எக்ஸ் தளம் மூலம் வாழ்த்துக்களை வெளியிட்டு வருபவர் தமிழக வெற்றிக் கழகத் தலைவர் விஜய். சமீபத்தில் தன்னுடைய கொள்கையை அறிவித்தார். இதை நாம் தமிழர் கட்சி தலைமை ஒருங்கிணைப்பாளர் கடுமையாக விமர்சித்திருந்தார். 'விஜய்க்கு வரலாறே தெரியாது, தமிழ்த்தேசியமும் திராவிடமும் ஒன்றல்ல, கூமுட்டை'' என கடுமையான சொற்களை பயன்படுத்தியிருந்தார் சீமான்.
இருப்பினும் சீமானுக்கு தாவெக தலைவர் விஜய் இன்று பிறந்த நாள் வாழ்த்து கூறியுள்ளார். அவர் வெளியிட்டுள்ள எக்ஸ் தள பதிவில், "நாம் தமிழர் கட்சியின் தலைமை ஒருங்கிணைப்பாளர் சகோதரர் திரு.சீமான் அவர்களுக்கு இனிய பிறந்தநாள் நல்வாழ்த்துகளைத் தெரிவித்துக்கொள்கிறேன்" என்று குறிப்பிட்டுள்ளார்.
"நாகரீகம் தெரிந்த தலைவர்" என்று விஜய்யின் இந்த வாழ்த்தைக் கூட அவரது கட்சியினர் கொண்டாடி வருகின்றனர்.
