நியூஸிலாந்து கேப்டன் டாம் லாதமின் விக்கெட்டை கைப்பற்றியிருக்கிறார் ரவிச்சந்திரன் அஷ்வின். நேராக அஷ்வின் லைனில் வீசிய பந்தை லாதம் கால்களால் தடுக்க, எல்பிடபிள்யு முறையில் அவுட். 32 ரன்களுக்கு முதல் விக்கெட்டை இழந்திருக்கிறது நியூஸிலாந்து. வில்லியம் யங் களம் இறங்கியிருக்கிறார்.
டாஸ் வென்ற நியூஸிலாந்து கேப்டன் டாம் லாதம் பேட்டிங்கைத் தேர்வு செய்திருக்கிறார். ஸ்பின்னுக்கு ஒத்துழைக்கும் என கருதப்படும் புனே பிட்ச்சில் இந்திய அணி மூன்று மாற்றங்களை செய்திருக்கிறது. எதிர்பார்த்ததுபோலவே கே.எல்.ராகுல் ப்ளேயிங் லெவனில் இருந்து நீக்கப்பட்டிருக்கிறார். அதேப்போல் முகமது சிராஜ் மற்றும் குல்தீப் யாதவும் நீக்கப்பட்டிருக்கிறார்கள். இவர்களுக்கு பதிலாக சுப்மன் கில், வாஷிங்டன் சுந்தர் மற்றும் ஆகாஷ் தீப் ஆகியோர் ப்ளேயிங் லெவனில் சேர்க்கப்பட்டுள்ளனர்.
