பிக் பாஸ் சீசன் 8 : ரொமான்ஸ் மிஸ்ஸிங் ரிப்போர்ட்… கவர்ச்சி நடிகைகளை களமிறக்கும் விஜய் டிவி!

பிக் பாஸ் சீசன் 8 அக்டோபர் முதல் வாரம் தொடங்கயிருக்கும் நிலையில் போட்டியாளர்களை இறுதி செய்யும் பணிகள் வேக வேகமாக நடந்து வருகிறது. ஏற்கெனவே ‘ஆபிஸ்’, ‘தென்றல் வந்து என்னைத் தொடும்' எனும் விஜய் டிவி சீரியல்களில் நடித்த பவித்ரா ஜனனி கன்ஃபர்ம் செய்யப்பட்டிருக்கிறார். இவர் தவிர இன்னும் 20 போட்டியாளர்களை இறுதி செய்ய இருக்கிறது விஜய் டிவி.

இதற்கான 50 போட்டியாளர்கள் கொண்ட இறுதி லிஸ்ட்டில் இருந்து பிக் பாஸ் வீட்டுக்குள் செல்ல இருப்பவர்கள் ஃபைனல் செய்யப்பட்டுவருகிறார்கள். விஜய் சேதுபதி தொகுத்து வழங்கயிருக்கும் இந்த சீசனின் டேக்லைனாக 'ஆளும் புதுசு... ஆட்டமும் புதுசு' உருவாக்கப்பட்டிருக்கும் நிலையில் இந்த சீசனின் போட்டியாளர்களை மிகவும் கவனமாக இறுதி செய்துவருகிறது விஜய் டிவி.

சண்டை சர்ச்சைகளை ஏற்படுத்தக்கூடியவர்களாக மட்டுமல்லாமல் காதல் என்கிற முக்கியமான ஏரியா மிஸ்ஸாவதாக கடந்த பிக் பாஸ் சீசன் தோல்வியைப் பற்றிய ரிப்போர்ட் விஜய் டிவிக்கு கொடுக்கப்பட்டிருக்கிறது. அதன்படி முதல் சீசனில் ஓவியா - ஆரவ், அடுத்த சீசனில் ஐஸ்வர்யா தத்தா - மஹத், கவின் - லாஸ்லியா என நல்ல ஜோடிகள் இருந்தன. ஆனால் கடந்த சீசனில் வெறும் சண்டைதான் இருந்தது… நல்ல ரொமான்ஸ் இல்லை என ஃபீட்பேக் கிடைத்ததால் அதன்படி இந்தமுறை நல்ல ரொமான்ஸுக்கான ஜோடிகளை உள்ளே இறக்க திட்டமிட்டிருக்கிறது விஜய் டிவி.

அதன்படி நடிகையும், குக்கு வித் கோமாளி மூலம் புகழ்பெற்றவருமான தர்ஷாகுப்தா இறுதி செய்யப்பட்டிருக்கிறார். இவர் ‘தலைமைச்செயலகம்’ வெப்சீரிஸ், ‘ருத்ரதாண்டவம்' உள்ளிட சில திரைப் படங்களில் நடித்தவர் என்பது குறிப்பிடத்தக்கது!

தர்ஷாவின் கவர்ச்சி பிக் பாஸுக்கு கைகொடுக்குமா?!