அர்னாவுக்கு அடுத்து வெளியேறப் போவது இவங்கதானா? விறுவிறுப்பை கூட்டும் ஓட்டிங் நிலவரம்! #BiggBoss

விஜய் டிவியில் ஒளிபரப்பாகி வரும் பிக் பாஸ் சீசன் 8 நிகழ்ச்சியின் விறுவிறுப்பு கூடிக்கொண்டே வருகிறது. மொத்தம் 18 போட்டியாளர்களுடன் தொடங்கிய நிகழ்ச்சி தற்போது 16 பேரோடு இருக்ஜிறது. விரைவில் வைல்டு கார்டு போட்டியாளர்கள் களமிறங்க இருக்கும் நிலையில் கடந்த இரண்டு வாரங்களில் ரவீந்தர், அர்னாவ் என இரண்டு ஆண் போட்டியாளர்கள் வெளியேறிவிட்டார்கள்.

இந்நிலையில் மூன்றாம் வாரத்துக்கான நாமினேஷனில் 8 பேர் இருக்கிறார்கள். இதற்கான வாக்குப்பதிவு தற்போது நடைபெற்றுவருகிறது. நாமினேஷன் பட்டியலில் முத்துக்குமரன், சௌந்தர்யா, அருண், சத்யா, ஜாக்குலின், அன்ஷிதா, பவித்ரா மற்றும் தர்ஷா குப்தா ஆகியோர் இடம் பெற்றுள்ளனர்.

இந்த பட்டியலில் முத்துக்குமரன் அதிக வாக்குகளைப் பெற்று முதலிடத்தில் இருப்பதாக தகவல்கள் தெரிவிக்கின்றன. அதே நேரத்தில், தர்ஷா குப்தா மற்றும் அன்ஷிதா குறைவான வாக்குகளுடன் கடைசி இடங்களில் இருப்பது தெரியவந்துள்ளது. 

இப்போது வரை பதிவாகியுள்ள வாக்குகளின்படி, அன்ஷிதா பிக் பாஸ் வீட்டை விட்டு வெளியேற அதிக வாய்ப்புள்ளதாக கூறப்படுகிறது. இருப்பினும், இறுதியாக நிகழ்ச்சியில் யார் வெளியேறப் போகிறார்கள் என்பது சனிக்கிழமை தெரிந்துவிடும். இதற்கிடையே வைல்டு கார்டு போட்டியாளர் இன்று அல்லது நாளை களமிறக்கப்படுவார் என எதிர்பார்க்கப்படுகிறது.