பிக் பாஸ் 8 : 6 வைல்ட் கார்ட் போட்டியாளர்கள்… கடைசி நேரத்தில் வர மறுத்த பிரபலங்கள்!

பிக் பாஸ் சீசன் 8-ஐ விஜய் சேதுபதி தொகுத்து வழங்கிவருகிறார். கிட்டத்தட்ட 30 நாட்களை நெருங்கியிருக்கும் பிக் பாஸில் வைல்டு கார்டு போட்டியாளர்களாக 6 பேர் உள்ளே களமிறக்கப்பட்டுள்ளனர்.

இந்தமுறை வைல்டு கார்டில் ஏற்கெனவே பிக் பாஸ் வீட்டுக்குள் வந்த போட்டியாளர்களை களமிறக்க திட்டமிட்டது விஜய் டிவி. அதற்காக ஓவியாவிடம் பேச்சுவார்த்தை நடத்தப்பட்டது. ஆனால், ஓவியா மறுக்க மற்ற போட்டியாளர்களிடம் நடந்த பேச்சுவார்த்தையும் சரிவரவில்லை.

இதற்கிடையே 'லப்பர் பந்து' படத்தில் நடித்திருந்த டிஎஸ்கே என்கிற திருச்சி சரவணகுமார், லட்சுமி மகள் ஐஸ்வர்யா பாஸ்கர் உள்ளிட்டோரையும் இறுதி செய்துவைத்திருந்தனர். ஆனால், திடீரென இருவருமே யு-டர்ன் அடித்ததால் அவர்களுக்கு பதிலாக வேறு போட்டியாளர்களை இறுதி நேரத்தில் இறுதி செய்து வீட்டுக்குள் அனுப்பியிருக்கிறார்கள்.

ஏற்கெனவே வீட்டுக்குள் 15 பேர் உள்ளனர். ஆண்களில் 7 பேர், பெண்களில் 8 பேர். இப்போது ஆண்களில் மூவர், பெண்கள் மூவர் என ஆறு பேர் உள்ளே நுழைந்திருப்பதால் பிக் பாஸ் ஹவுஸ்மேட்ஸின் எண்ணிக்கை 21-ஆக உயர்ந்திருக்கிறது. 

1. சிவக்குமார்

சிவாஜியின் மகன் ராம்குமாரின் மகனும், ஏற்கெனவே பிக் பாஸில் கலந்துகொண்டவருமான சுஜா வருணியின் கணவர் சிவக்குமார் இந்த சீசன் பிக் பாஸில் வைல்டு கார்டு மூலம் உள்ளே வந்திருக்கிறார்.

2. மஞ்சரி நாராயணன்

தமிழ் பேச்சு எங்கள் மூச்சு நிகழ்ச்சியில் முத்துக்குமரனோடு கலந்துகொண்ட மஞ்சரி நாராயணன் போட்டியாளராக உள்ளே வந்திருக்கிறார்.

3. ரயான்

‘தமிழும் சரஸ்வதியும்’, ‘சண்டக்கோழி', ‘பனிவிழும் மலர்வனம்' உள்ளிட்ட சீரியல்களில் நடித்திருக்கும் ரயான் பிக் பாஸ் வீட்டுக்குள் வந்திருக்கிறார். விஜய் டிவியில் மாலை 6 மணிக்கு ஒளிபரப்பாகும் ‘பனிவிழும் மலர்வனம்’ தொடரில் இவர் முக்கியமான கதாபாத்திரத்தில் நடித்துவரும் நிலையில் பிக் பாஸ் வீட்டுக்குள் வந்திருக்கிறார் ரயான்.

4. வர்ஷினி வெங்கட்

வர்ஷினி வெங்கட் மாடல் ப்ளஸ் சீரியல் நடிகை. சமீபத்தில் சன் டிவியில் ஒளிபரப்பான ‘கண்ணாண கண்ணே’ சீரியலில் இவர் நடித்திருந்தார்.

5. ராணவ்

சினிமா நடிகரான ராணவ் வைல்டு கார்டு போட்டியாளராக உள்ளே வந்திருக்கிறார். இவர் விஜய் சேதுபதி நடித்த ‘இறைவி' உள்பட பல படங்களில் சிறிய கதாபாத்திரங்களில் நடித்திருக்கிறார்.

6. ரியா தியாகராஜன்

மாடலான ரியா தியாகராஜன் சில நாட்களுக்கு முன்புவரை யூ-டியூபில் தினமும் பிக் பாஸ் ரிவியூ சொல்லிக்கொண்டிருந்தார். போட்டியாளர்களின் ப்ளஸ், மைனஸை விவரித்துக்கொண்டிருந்த ரியாவே இப்போது போட்டியாளராக உள்ளே வந்திருக்கிறார்.