பிக் பாஸ் தமிழ் 8 : ரவீந்தர் முதல் ரஞ்சித் வரை... பிக் பாஸ் போட்டியாளர்களின் சம்பளம் என்ன தெரியுமா?

பிக் பாஸ் தமிழ் 8 போட்டியாளர்களின் சம்பள விவரம் குறித்தான தகவல் வெளியாகியுள்ளது. பிக் பாஸ் 8 போட்டி தொடங்கி 5 நாட்கள் ஆகும் நிலையில், பெரிய அளவிலான சண்டை இல்லை என்றாலும் நிகழ்ச்சி சுவாரஸ்யமாகவே சென்று வருவதாக ரசிகர்கள் தெரிவித்து வருகின்றனர். இந்த சீசனை நடிகர் கமல்ஹாசனுக்கு பதிலாக நடிகர் விஜய் சேதுபதி தொகுத்து வழங்குகிறார்.

இதில் விஜே ஜாக்குலின், ரஞ்சித், ரவீந்தர், தன்ஷிகா, பவித்ரா ஜனனி என மொத்தம் 18 போட்டியாளர்கள் உள்ளனர். இந்த முறை அதிகளவு விஜய் டிவி பிரபலங்களே போட்டியாளர்களாக களம் இறக்கப்பட்டுள்ளனர். முதல் நாளே அதிரடியாக சாச்சனா வெளியேற்றப்பட்டார். இது அநியாயம் என பல குரல்கள் எழுந்த நிலையில், அவர் மீண்டும் வீட்டிற்குள் அனுப்பப்பட்டிருக்கிறார்.

முதல் வாரம் ரஞ்சித் அல்லது ரவீந்தர் வீட்டை விட்டு வெளியேற்றப்பட அதிக வாய்ப்பிருப்பதாகவும் தெரிகிறது. விஜே முத்துக்குமரன், கானா பாடகர் ஜெஃப்ரி, விஜே ஆனந்தி, செளந்தர்யா நஞ்சுண்டன் ஆகியோருக்கு ஒரு நாளுக்கு 10 ஆயிரம் ரூபாய் சம்பளம் நிர்ணயிக்கப்பட்டுள்ளது.

பிக்பாஸ் வீட்டுக்குள்ளேயே குறைந்த சம்பளம் வாங்கும் போட்டியாளர்கள் இவர்கள்தான். அடுத்த கேட்டகிரியில் நடிகர்கள் அருண் பிரசாத், தர்ஷிகா, அக்ஷிதா, விஜே விஷால், சத்யா மற்றும் சுனிதா வருகிறார்கள். இவர்களுக்கு ஒரு நாளுக்கு ர15 ஆயிரம் முதல் 20 ஆயிரம் ரூபாய் சம்பளம் கொடுக்கப்படுகிறது.

விஜே ஜாக்குலின், தர்ஷா குப்தா ஆகியோருக்கு 25,000 முதல் 30,000 ரூபாய் சம்பளமும், தீபக், சாச்சனா இருவருக்கும் 30,000 சம்பளமும் ஒரு நாளுக்கு நிர்ணயிக்கப்பட்டுள்ளது. இவர்கள் எல்லோரையும்விட அதிக சம்பளம் ரவீந்தர் மற்றும் ரஞ்சித்துக்குதான். இவர்களுக்கு ஒரு நாளுக்கு ரூ. 50,000 நிர்ணயிக்கப்பட்டிருப்பது குறிப்பிடத்தக்கது.