பிக்பாஸ் வீட்டுக்குள் கவின்… சிவகார்த்திகேயன் ஸ்டைலில் Bloody Beggar!

கவின் நடிப்பில், ஜெயிலர் இயக்குநர் நெல்சன் தயாரிப்பில், அவரது இணை இயக்குநர் சிவபாலனின் இயக்கத்தில் நாளை ரிலீஸாகிறது ‘Bloody Beggar’ படம். இந்தப்படத்தின் ப்ரமோஷனுக்காகத்தான் பிக் பாஸ் வீட்டுக்குள் நுழைந்திருக்கிறார்.

இதற்கு முன்பு இதே தீபாவளிக்கு ரிலீஸாகும் ‘அமரன்' படத்தின் ப்ரமோஷனுக்காக சிவகார்த்திகேயன் பிக் பாஸ் வீட்டுக்குள் வந்திருந்தார். இந்தப்படத்தின் சேட்டிலைட் உரிமையை விஜய் டிவிதான் வாங்கியிருக்கிறது என்பதால் இந்த ப்ரமோஷன் நடந்தது.

ஆனால், ‘Bloody Beggar’ படத்தின் உரிமையை சன் டிவிதான் வாங்கியிருக்கிறது. இருப்பினும் விஜய் டிவி தயாரிப்பு, முந்தைய பிக் பாஸ் போட்டியாளர் என்கிற முறையில் பிக் பாஸ் வீட்டுக்குள் ப்ரமோஷன் செய்ய கவினை அனுமதித்திருக்கிறது விஜய் டிவி. படத்தின் தயாரிப்பாளர் நெல்சனும் விஜய் டிவி தயாரிப்புதான் என்பது குறிப்பிடத்தக்கது!

கவின் வந்த எபிசோடு நாளை ஒளிபரப்பாகும் என எதிர்பார்க்கப்படுகிறது.