பிக் பாஸ் சீசன் 8: நடிகை, ரேடியோ ஜாக்கி, யூடியூபர்… வீட்டுக்குள் நுழையும் புத்தக காதலி!

பிக் பாஸ் தமிழ் 8-வது சீசனுக்கான பரபரப்பு தொடங்கிவிட்டது. பிக் பாஸாக விஜய் சேதுபதி ப்ரோமோ வெளியாகிவிட்ட நிலையில் நிகழ்ச்சி அக்டோபர் முதல் வாரத்தில் இருந்து தொடங்குகிறது. இதற்கான இறுதிக்கட்டப்பணிகள் நடைபெற்றுவருகின்றன.

சென்னை ஈவிபி-யில் உள்ள பிக் பாஸ் வீட்டுக்குள் மாற்றங்கள் செய்யப்பட்டு வருகின்றன. இதற்கிடையே போட்டியாளர்களை இறுதிசெய்யும் பணிகள் தீவிரமாக நடைபெற்றுவருகிறது. ஏற்கெனவே இரண்டு பெண் போட்டியாளர்கள் இறுதி செய்யப்பட்டுவிட்ட செய்தியை வெளியிட்டிருந்தோம். தற்போது மூன்றாவது போட்டியாளராக ஆர்ஜே ஆனந்தி இறுதி செய்யப்பட்டிருக்கிறார்.

ரேடியோ ஜாக்கியாக கரியரைத் தொடங்கிய ஆனந்தி தற்போது யூடியூபராக புத்தக விமர்சனங்கள் செய்து வீடியோ வெளியிட்டு வருகிறார். ஜெயம் ரவியின் ‘கோமாளி' உள்ளிட்ட படங்களிலும் நடித்திருக்கிறார். படபடவென பேசும் அதே சமயம் நல்ல அறிவும், திறமையும், தனித்துவமும் கொண்ட ஆர்ஜே ஆனந்தி போட்டியாளராகத் தேர்வாகியிருப்பது இந்த சீசனுக்கு நல்ல ரீச்சைக் கொடுக்கும் என நம்புகிறது பிக் பாஸ் டீம்.

பூனைகள் வளர்ப்பதில் ஆர்வம் கொண்டவரும், வீட்டில் பல்வேறு பூனைகளை வளர்த்துவருபவருமான ஆனந்தி பிக்பாஸ் வீட்டுக்குள் வந்துவிட்டால் பூனைகளை சரியாகப் பார்த்துக்கொள்ளமுடியாதே என்கிற வருத்தத்தில் இருக்கிறாராம்!