'பாரதி கண்ணம்மா' கண்மணிக்கும், 'மிஸ்டர் மனைவி' விஜே அஸ்வத்துக்கும் கல்யாணம்… ஜோடி சேரும் ரீல் ஜோடி!

டிவி சீரியல் நடிகைகளில் அதிக ஃபாலோயர்ஸ் கொண்ட நடிகை கண்மணி மனோகரன். இன்ஸ்டாகிராமில் கிட்டத்தட்ட 8 லட்சம் பேர் ஃபாலோ செய்யும் கண்மணி பெங்களூரைச் சேர்ந்தவர். விஜய் டிவியில் ஒளிபரப்பான 'பாரதி கண்ணம்மா' சீரியலில் அஞ்சலி என்கிற செகண்ட் ஹீரோயின் கதாபாத்திரத்தில் நடித்து புகழ்பெற்றார் கண்மணி.

'பாரதி கண்ணம்மா'வில் கிடைத்த புகழ் காரணமாக ஜீ தமிழ் தொலைக்காட்சியில் ஹீரோயின் வாய்ப்பே கண்மணிக்கு கிடைக்க 'பாரதி கண்ணம்மா'வில் இருந்து விலகி ஜீ தமிழின் 'அமுதாவும் அன்னலட்சுமியும்' சீரியலில் ஹீரோயினாக நடிக்க ஆரம்பித்தார்.

கடந்த சில மாதங்களுக்கு முன்பு 'அமுதாவும் அன்னலட்சுமியும்' சீரியல் முடிவடைந்த நிலையில், வேறு எந்த தொடர்களிலும் நடிக்காமல் இருந்த கண்மணிக்கும், சன் டிவியின் மிஸ்டர் மனைவி சீரியலில் நடித்துவரும் விஜே அஸ்வத்துக்கும் நேற்று திருமண நிச்சயதார்த்தம் நடைபெற்றது.

விஜே அஸ்வத் சன் டிவியில் நிகழ்ச்சித் தொகுப்பாளராக அறிமுகமாகி பின்னர் நடிகரானவர். சமீபத்தில் ஓடிடியில் வெளியான இன்ஸ்பெக்டர் ரிஷி வெப்சீரிஸிலும் இவர் நடித்திருந்தார்.

நேற்றைய நிச்சயதார்த்த நிகழ்வில் சின்னத்திரையைச் சேர்ந்த பல்வேறு நடிகர், நடிகைகள் கலந்துகொண்டு கண்மணி - அஸ்வத்தை வாழ்த்தியிருக்கிறார்கள்!