ஜீ தமிழ் ஹீரோவுக்கு பிறந்த நாள் வாழ்த்து சொன்ன 'சிறகடிக்க ஆசை' முத்து... கூடவே வைத்த கோரிக்கை என்ன?

'சிறகடிக்க ஆசை' சீரியல் மூலமாக இவருக்கு மிகப்பெரிய ரசிகர் பட்டாளம் இருந்து வருகிறது. இந்த நிலையில் இவர் தன்னுடைய இன்ஸ்டாகிராம் பக்கத்தில் ஜீ தமிழ் நடிகருக்கு பிறந்தநாள் வாழ்த்து கூறி பதிவு செய்துள்ளார். ‌

ஜீ தமிழில் ஆயிரம் எபிசோடுகளை கடந்து ஒளிபரப்பாகி வரும் 'நினைத்தாலே இனிக்கும்' சீரியலில் ஹீரோவாக நடித்து வரும் ஆனந்த் செல்வன்தான் அந்த நடிகர்.

இது குறித்து வெற்றி வசந்த் வெளியிட்டுள்ள பதிவில் ''இனிய பிறந்தநாள் வாழ்த்துக்கள் நண்பா, மச்சான், ஒன் அண்ட் ஒன்லி ....... அந்த டேஷில் என்ன வேணா போட்டுக்க... இப்போது போல எப்பவும் சந்தோஷமா இருக்கணும்'' என வாழ்த்து சொல்லியுள்ளார்.

மேலும் ''கூடிய சீக்கிரம் கல்யாண சாப்பாடு போடு'' எனவும் கோரிக்கை வைத்துள்ளார் வெற்றி வசந்த்.