கிச்சன் வேலைக்காக ஆண்கள் வீட்டுக்குள் வர அனுமதி கேட்கிறார் செளந்தர்யா. ‘மினி டாஸ்க் செய்துவிட்டு உள்ள வாங்க அம்மினி’ என்று கூறுகிறார் ரஞ்சித். அதற்காக ஒரு பாட்டு பாடச் சொல்கிறார்.
செளந்தர்யாவை ஏற்கெனவே பெண்மையா பேசு என்று முதல் நாளே கிண்டல் செய்திருந்த நிலையில், இப்போது பாடச் சொல்வதால் சம்பவம் ஆகுமோ என்று எதிர்பார்க்கப்பட்டது.
இருந்தாலும், லூசுப்பெண்ணே லூசுப்பெண்ணே என ஜாலியாக பாடி அசத்தினார். இவரின் பாடலை அசந்து கேட்டார் ரஞ்சித். அணுகுண்டு பிஜிலி வெடியாக மாறிப் போனது.
24 மணி நேர எவிக்ஷன் எனும் கடுமையான டாஸ்க்கினால் மன வருத்தத்தில் போட்டியாளர்கள் இருப்பதால், அவர்களை குஷி படுத்துவதற்காக, நாமினேஷன் ஃப்ரீ பாஸ் ஒருவருக்கு கொடுக்க முடிவெடுத்தார் பிக்பாஸ் தொகுப்பாளர் விஜய்சேதுபதி. கடிதம் மூலமாக அதற்கான டாஸ்க் வந்தது.
இந்த டாஸ்கிற்காக மட்டும் முத்துகுமரன் ஆண்கள் அணிக்கும், பவித்ரா பெண்கள் அணிக்கும் அனுப்பப்பட்டனர். ஆண்கள், பெண்கள் அணியிலிருந்து தலா ஒருவருக்கு இந்த ஃப்ரீ பாஸ் கிடைக்கும். அதற்காக, ஒவ்வொரு அணியிலிருந்தும் ஒருவரை பரிந்துரைக்க வேண்டும். அதற்காக, இரண்டு அணியும் பரிந்துரையை ஆரம்பித்தது.
விடுதலை பாஸ் கிடைக்கப் போவது யாருக்கு ?
வழக்கம் போல, ஆண்கள் அணியில் எந்த சச்சரவும் இல்லை. அவரவர் தங்களுக்கு ஏன் இந்த ஃப்ரீ பாஸ் வேண்டும் என்பதை கூறினார்கள். இறுதியாக, நாமினேஷனில் இருக்கும் அருண் தேர்ந்தெடுக்கப்பட்டார். ஆனால், பெண்கள் வீட்டில் விவாதம் களைகட்டியது.
ஏனெனில், ஒரு பாஸூக்காக எல்லோருமே எனக்கு வேண்டும் என்று அடம்பிடித்தது தான் ஹைலைட். "எப்படியும் எனக்கு யாரும் ஹெல்ப் பண்ண போறதில்லை. விளையாடவும் விட மாட்டீங்க. இந்த ஃப்ரீ பாஸூம் தரமாட்டீங்க. பெண்கள் வீட்டுக்குள்ள க்ரூப்பிஸம் வந்துருச்சு’' என்று தன்னோட கடுப்பை பதிவு செய்தார் தர்ஷா.
அதுபோல, அன்ஷிதாவும் ஒரு தலை பட்சமாக செயல்படுவதாக குற்றம் சாட்டினார்கள்.
நாமினேஷனில் இருப்பதால் செளந்தர்யாவுக்கும், ஆற்றாமை வெளிப்படுத்தியதால் அனிஷ்தாவுக்கும் சம அளவில் ஓட்டுகள் விழுந்தன. இறுதியாக, யாரை தேர்வு செய்வதென முடிவெடுக்க முடியவில்லை என்று பிக்பாஸிடம் சொன்னது பெண்கள் டீம்.
அதனால், பெண்களுக்கு நாமினேஷன் ஃப்ரீ பாஸ் கிடையாது என ஷாக் கொடுத்தார் பிக் பாஸ். டை-ப்ரேக்கர் ரவுண்ட் வைத்து தேர்ந்தெடுக்க வாய்ப்பிருப்பதாக நினைத்து பல்ப் வாங்கியது பெண்கள் டீம். ஆனால், எந்த குழப்பமும் இல்லாமல் ஆண்கள் டீம் நாமினேஷனில் இருக்கும் அருணை காப்பாற்ற நாமினேஷன் ஃப்ரீ பாஸை அருணுக்கு கொடுத்து விட்டது.
இந்த போட்டிக்கான காரணமே அணியாக ஒற்றுமையாக இருக்கோமா இல்லையா என்பதை நிரூபிப்பதற்கு தான். அணியா சேர்ந்து ஒற்றுமையாக முடிவெடுப்பதில் ஆண்கள் அணி பாஸ் ஆகிறது. ஆண்கள் வீட்டுக்கு பெண் ஒருவரை தேர்வு செய்ய சொன்ன போதும் சரி, இந்த நாமினேஷன் ஃப்ரீ பாஸ் டாஸ்க்கிலும் சரி பெண்கள் அணியால் ஒற்றுமையாக முடிவெடுக்க முடியவில்லை என்பது நிரூபணமானது.
பெண்கள் டீமில் தினமும் ஒருவர் கண்களை கசக்குவது வழக்கம். இன்றைய நாளில் அழுதது தர்ஷா. இன்றைக்கான அழுகாச்சி சீன் ஓவர். ட்விஸ்ட் என்ன வென்றால், ஆண்களே இன்று அதிகமாக கண்ணு வேர்த்து நின்னார்கள். தொடர்ந்து படிங்க, உங்களுக்கே தெரியும்.
எதிர்பாராத என்ட்ரி :
பிக்பாஸ்ட்ட இன்னும் எதிர்பார்க்குறோம் என்று மனதுக்குள் ஓடிக்கொண்டிருக்கும் போதே, பொந்துக்குள்ள இருந்து எலி வருவது போல ஒரு குட்டிப் பெண் வீட்டுக்குள் யாருக்கும் தெரியாமல் எண்ட்ரி கொடுத்தார். யெஸ். சாச்சனா இஸ் பேக். 24 மணி நேர நாமினேஷனில் வெளியேறியவர், வெளியே இருந்து அனைவரின் கேம் ப்ளானையும் தெரிந்து கொண்டு உள்ளே வந்தார்.
வெளியே இருந்து நிகழ்ச்சியை பார்த்த வகையில் விஷால், சத்யா, ரஞ்சித் மூவரும் கன்டென்ட் தரவில்லை. உங்க முகம் வெளியே தெரியவில்லை என்று தன்னுடைய கருத்தை கூறினார் சாச்சனா. அதோடு, பெண்கள் டீமுக்கு நான் பக்கபலமா இருப்பேன் என்று ஆண்கள் டீமுக்கு ஷாக் கொடுத்தார்.
ஆண்களிடம் இருக்கும் குறையை பொதுமேடையில் கூறிவிட்டு, பெண்களிடம் இருக்கும் பிரச்னையை தனியாக சொன்னது ஸ்மார்ட் மூவ். ஜெஃப்ரியை ஜாக்குலின் நம்பக்கூடாது, முத்துக்குமரன் நமக்காக விளையாடவில்லை, இந்த ரூமுக்குள்ள என்ன வேணாலும் அடிச்சுக்கலாம். ஆனா, எல்லோர் முன்னாடியும் அழுறது, சண்டைப் போடுறது வேண்டாம்.
ஆண்கள் டீம் செம மாஸா இருக்கு. பெண்கள் டீமில் ஒற்றுமை இல்லை’ என்ற அப்பட்டமான உண்மைகளை போட்டு உடைத்தார். இனிமேல், ஒற்றுமையாக இருக்க வேண்டுமென்று சூளுரைத்தது பெண்கள் டீம்.
மாலை நேரம் ஜாலியாக அமர்ந்து எல்லோரும் பேசிக் கொண்டிருக்கும் போது, வந்த தீபக் பெண்களிடம் "எங்ககிட்ட இருந்து சீரகம், கரம் மசாலா எல்லாம் எடுத்திருக்கீங்க.. ஒழுங்கு மரியாதையா புளி குடுங்க" என்று மிரட்டலாக கெஞ்சினார். கரம் மசாலா விஷயம் தீபக்குக்கு எப்படி தெரியும் என குழம்பினார் ஜாக்குலின்.
இன்றைய நாளுக்கான பிக்பாஸ் டாஸ்க் அறிவிப்பு வந்தது. யாரு ரியல் யாரு ஃபேக் என்பதை ஒவ்வொருவரும் கூற வேண்டும். ஒவ்வொருவரின் கையிலும் இரண்டு ஸ்டிக்கர்ஸூம் கொடுக்கப்படும். தங்களின் மனதில் இருக்கும் கருத்தை சொல்ல வேண்டும். இதில், சத்யா, செளந்தர்யா, சுனிதா மூவருமே ரியல் ஸ்டிக்கரை மட்டும் பெற்றார்கள். இதுவே, ரஞ்சித், ரவீந்தரன் இருவரும் முழுமையும் ஃபேக் என ஸ்டிக்கர் பெற்றார்கள். ஜாக்குலின், தீபக் என பலரும் கலவையாக விமர்சனங்களைப் பெற்றார்கள். இந்த ஸ்டிக்கர் மறு அறிவிப்பு வரும் வரை முகத்தில் இருக்க வேண்டும் என்று அறிவித்தார் பிக்பாஸ்.
ரியல் ஸ்டிக்கர் வாங்கியதால் கண்கலங்கி நெகிழ்ந்தார் சத்யா. அதே நேரத்தில் "இதெல்லாம் சும்மா. எத்தனையோ விருது வாங்கிருக்கேன். இந்த விருதை பிக்பாஸ் கொடுத்ததா நினைச்சிக்கிறேன்" என்று கண்கலங்கினார் ரஞ்சித்.
இந்த ரியல் ஃபேக் டாஸ்க் வீட்டுக்குள் நெருப்பை பற்ற வைத்தது. ப்ராங்க் செய்தது தான் ரஞ்சித்துக்கும், ரவீந்திரனுக்கும் எதிராக மாறியது. அதுப்பற்றி விவாதங்கள் தெறித்தது. "ரஞ்சித் பெயரை சொன்னது என் தப்பு தான்" என்று ஒப்புக்கொண்டு கண் கலங்கினார் ரவீந்திரன். எப்படி இருந்த மனுஷன்.
ரவீந்திரன் அழுறதைப் பார்க்க முடியவில்லை என்பதே அனைவரின் வருத்தமாகவும் மாறியது. இன்றைய நாளுக்கான அழுகாச்சி ஹீரோக்கள் ஆண்கள் போல..
இன்னொரு பக்கம், "உன்ன நம்பி சொல்லுற அனைத்தையும் ஆண்கள்ட்ட சொல்லுறியா"ன்னு ஜெஃப்ரியை கேட்டார் ஜாக்குலின். கரம் மசாலா விஷயத்தில் மாட்டிக்கொண்ட ஜெஃப்ரி பேசிப் பேசியே சமாளித்தார். இன்றைய நாளில் கெத்து காட்டியது பெண்கள் தான். இந்த வாரம் முழுவதும் மாஸாக சுற்றிய ஆண்களுக்கு இன்றைய எபிசோடு கொஞ்சம் பின்னடைவு தான்.
இறுதியாக, மக்கள் பார்வையாக இருந்து சாச்சனா சொல்வது நிஜமா இல்லை சாச்சனாவின் கேம் ப்ளானா, கரம் மசாலா கலவரம், தப்பாகிப் போன ப்ராங்க் ஷோ, இந்த வார நாமினேஷன் யார் , சாச்சனாவின் கேம் ப்ளான் என்ற பரபர திருப்பங்களுடன் பிக்பாஸ் முடிந்தது. ஆறாம் நாளான இன்றைக்கு விஜய்சேதுபதி என்ன சொல்லப் போகிறார் என்பது பெரும் எதிர்பார்ப்பை ஏற்படுத்தியிருக்கிறது.