Bigg Boss Tamil 8 : பிக் பாஸ் வீடு முத்துவுக்கு எதிராக திரும்புகிறதா? | Day 27

பிக்பாஸ் வீட்டுக்குள் கலவரமில்லாத சுமாரான வாரமாகவே இருந்தது. பரபரப்போ, பஞ்சாயத்தோ பெரிதாக இல்லை. வீக்லி டாஸ்கான ஆள்மாறாட்டம் போட்டி, தீபாவளி பரிசுகள், கல்யாணமாலை சுயம்வரம் டாஸ்க் என ஒரு சில விஷயங்களை மட்டுமே இருந்தது. இதிலிருந்து என்ன லீட் எடுக்கப் போகிறார் விஜய்சேதுபதி என்பது மட்டுமே சுவாரஸ்யம். இது, BB Tamil 08 Day 27.

பிக்பாஸ் சீசன்களிலேயே இந்த எட்டாவது சீசன் கொஞ்சம் யுனிக் பீஸ் தான். அதற்கு காரணமிருக்கிறது. ஒன்று, இந்த சீசனில் டாக்ஸிக் போட்டியாளர் என யாருமில்லை. அதனால், பெரியளவில் சண்டையோ, கலவரமோ வெடிக்கவில்லை. இரண்டாவது, யுனிக் ப்ளேயர் அப்டியென்று யாருமில்லை. ஏனெனில், ஆண், பெண் வீடு என பிரிக்கப்பட்டதால் அனைவரையும் எதிர்த்து நின்று தனியாக விளையாக யாரும் தயாராக இல்லை.

டீமாக இருந்தால் மட்டுமே ஜெயிக்க முடியுமென ஊரோடு ஒத்துப் போய்விடுகிறார்கள். அதனால், பெரிய சண்டையோ, டாக்ஸிக்கான விஷயங்களோ நடப்பது இல்லை. அதற்காக மட்டுமே பிக்பாஸ் பார்ப்பவர்களுக்கு ஏமாற்றம். ஜாலியாக பிக்பாஸ் பார்க்க விரும்புபவர்களுக்கு கொண்டாட்டம்! இதுதான் பிக்பாஸ் சீசன் எட்டின் நிலவரம் !

பல்பு வாங்குன முத்துக்குமரன்

முத்துக்குமரனை ஆரம்பத்தில் பெண்கள் வெறுத்தனர். அந்த வெறுப்பலை இப்போ ஆண்கள் மத்தியிலும் பரவ ஆரம்பித்திருக்கிறது. அதற்கு காரணம் கடும் போட்டியாளராக இருப்பார் என்பதால் மட்டுமே. அதனால், வாய்ப்பு கிடைக்கும் போதெல்லாம் முத்துவை செய்துவிடுகிறார்கள் ஆண்கள். நேற்றைய தினம் கேப்டனாக என்னிடம் பிடிக்காத விஷயத்தை சொல்லுங்கள் என்று கேட்டார் முத்துக்குமரன். ஒவ்வொருவரும் சொல்லி முடித்ததும், இதையெல்லாம் மாத்திப்பேன்னு சொல்லுவார் என்று பார்த்தால் ‘இதையெல்லாம் ஏத்துக்கவே முடியாது. நான் என்னை மாத்திக்கவும் மாட்டேன். நான் என் மனசுக்கு சரியாக நடந்திருக்கேன்’ என்று அனைவருக்கும் பல்பு கொடுத்தார்.

இன்றும் அனைவரையும் அழைத்து ‘என்னிடம் பிடித்த விஷயத்தை சொல்லுங்கள்’ என்றார். அவர் அழைத்த போது விஷாலும், அருணும் வரவில்லை. நடுவில் வந்து இணைந்து கொண்டதால் விஷாலையும், அருணையும் வர வேண்டாம் என்றார் முத்து. அதனால், கடுப்பான சத்யா நானும் கெளம்புறேன் என்று சொன்னதும் அனைவருமே கெளம்பிவிட்டனர். இவனை நம்ப முடியாது. எப்போ என்ன பண்ணுவான்னு தெரியாது என்ற மோடிலேயே எல்லோரும் கெளம்பி, முத்துக்குமரனுக்கு பல்பு கொடுத்தனர்.

நெகிழ்ச்சியான தீபாவளி பரிசு :

தீபாவளி பரிசாக போட்டியாளர்களுக்கு விஜய்சேதுபதி சார்பாக புத்தாடை வழங்கப்பட்டது. அனைவரும் அதற்கு விசேவிடம் நன்றி கூற, பதிலுக்கு ‘அழகா இருக்கீங்க’ என்று விசே கூறுவதென சம்பிரதாயங்களை ஓரம்கட்டிவிட்டு விஷயத்துக்குள் போவோம்.

‘பிக்பாஸ் வீட்டுல தீபாவளி எப்படி இருந்தது?’ என்பதே விஜய்சேதுபதியின் முதல் கேள்வியாக இருந்தது. இன்றைய எப்பிசோடை பாசிட்டிவாக மட்டுமே கொண்டு செல்ல முடிவெடுத்திருக்கிறார் விசே என்பது முதல் கேள்வியிலேயே தெரிந்தது. வீட்டோடு கொண்டாடாமல் முதல்முறையா தனியா இங்க இருக்கோம். ஆனாலும், மறக்க முடியாத தீபாவளியாக இருந்தது என்பதே பலரின் கருத்தாகவும் இருந்தது.

தீபாவளிக்கு வந்த பரிசு பற்றி கேள்வி நகர்ந்தது. பவித்ரா கொடுத்த பரிசை என்னால் மறக்க முடியாதென நெகிழ்ந்தார் ரஞ்சித். அடுத்து, ஜெஃப்ரி பேசுவதற்கு எழுந்ததும் கைதட்டல் ஒலித்தது. ஜெஃப்ரிக்கு வெளியே எப்படியான வரவேற்பு இருக்கிறது என்பது தெரிந்தது. ‘இதுவரை தீபாவளி கொண்டாடியதில்லை. முதல்முறையாக கொண்டாடுறேன். அம்மாவை தான் மிஸ் பண்றேன்’ என்று எதார்த்தமாக பதில் சொன்னார்.

ஆள்மாறாட்டம் :

இந்த வாரத்துக்கான வீக்ஸி டாஸ்க்காக ‘ஆள்மாறாட்டம்’ போட்டி நடந்தது. ஒவ்வொருவரின் நடிப்பும் ரியாலிட்டியாக இருந்ததாக பாராட்டினார் விஜய்சேதுபதி. குறிப்பாக, செளந்தர்யாவாக நடித்த ஆனந்தியை பாராட்டினார் விசே. செளந்தர்யா மாதிரி மிமிக்ரி செய்தார் ஆனந்தி. ரியல், ரீல் என இரண்டு செளந்தர்யாவும் பேசியது அசத்தலாக இருந்தது. செளந்தர்யாவாக இருந்தது எப்படி இருந்தது என ஆனந்தியிடம் கேட்க, ‘ பாதி பிரச்னையை கண்டுக்காம இருந்தது ஜாலியாக இருந்துச்சு’ என்று சொல்லவும் விழுந்து விழுந்து சிரித்தார் விஜய்சேதுபதி. இந்த ஆள்மாறாட்டம் போட்டியில் டாப் ஸ்கோர் ஆனந்திக்கு கொடுக்கலாம்.

முத்துக்குமரன் மாதிரி விஷால் நடித்தார். ‘முத்துவோட ப்ளஸ்னா எத்தனை பேர் வந்தாலும் பொறுமையா நின்னு பதில் சொல்லுறது. அதை தான் முயற்சி செய்தேன்’ என்றார் விஷால். முத்துக்குமரனா நடித்த விஷால் தமிழ்ல பேசுறேன்னு கொலை செய்ததுக்கு ரஞ்சித்தா போய் நீங்க அட்வைஸ் பண்னிருக்கலாம்ல என்று முத்துக்குமரனிடம் கேட்டார் விஜய்சேதுபதி. ‘ரஞ்சித் அண்ணன் அட்வைஸ் பண்ண மாட்டாரு. சிந்திக்க மட்டும் தான் செய்வாரு.’ என்று முத்து சொன்னதும் ரஞ்சித் முகமே மாறிவிட்டது.

அன்ஷிதா போல ஜாக்குலினும், ஜாக்குலின் போல அன்ஷிதாவும் ஸ்வாப் செய்து நடித்தார்கள். இருவருமே நடிக்க கஷ்டப்பட்டதாக கூறினார்கள். அதற்கு காரணம் இருக்கிறது. அன்ஷிதா ரொம்ப அமைதி. ஜாக்குலின் ரொம்ப ஆர்பாட்டம். ஜாக்குலினுக்கு அன்ஷிதா போல அமைதியாக இருக்க முடியவில்லை. அன்ஷிதாவுக்கு ஜாக்குலின் போல பேசிக்கொண்டே இருக்க முடியவில்லை. இந்த முரண் தான் விளையாட்டில் ஆர்வத்தை தூண்டியதாக விஜய்சேதுபதி கூறினார்.

சாச்சனா போல சுனிதா நடித்தார். அவரிடம் சாச்சனா மாதிரி நடித்தது எப்படி இருந்தது என்று கேட்டதுக்கு ‘ சாச்சனா இரண்டு படகுல சவாரி செய்யுறாங்க. ஒண்ணு குழந்தை மாதிரியும், இன்னொன்னு மெச்சூர்டு பொண்ணாவும் இருக்காங்க. அப்படி நடிக்கிறது கொஞ்சம் கஷ்டமாக இருந்தது என்றார். சுனிதா சொல்வதை சாச்சனா ஒப்புக்கொண்டார். இதுதான் என்னோட கேம் அப்டின்னும் எடுத்துக்கலாம் என்று நேர்மையாக பேசியதை விஜய்சேதுபதி புகழ்ந்தார்.

உங்க ரோலை யார் பண்ணிருக்கலாம் என்று விசே கேட்டதுக்கு, ஆனந்தி என் ரோலை பண்ணிருக்கலாம் என சுனிதா கூறினார். விஷால் என் ரோலை நல்லா பண்ணிருப்பான் என ரஞ்சித் கூறினார். ஆனந்தியின் தேர்வாக பவித்ரா இருந்தார். விஷாலுக்கு அருண் பண்ணிருக்கலாம் எனவும் சாச்சனாவுக்கு ஜாக்குலின் பண்ணிருந்தா நல்லா இருக்கும் எனவும் தோன்றியதாக கூறினார்.

ஆக, எல்லோருமே என் ரோலை என் ஃப்ரெண்ட் பண்ணிருந்தா நல்லா இருக்கும்னு தான் சொல்லுறீங்க என்று அனைவரின் பல்ஸையும் பிடித்தார் விசே. உதாரணத்துக்கு, தர்ஷிகாவும் பவித்ராவும் ஸ்வாப் செய்து நடித்ததில் எந்த சுவாரஸ்யமும் இல்லை. இப்படித்தான் முழு விளையாட்டும் இருந்திருக்கும். எதிரும் புதிருமாக இருந்தவர்கள் நடித்ததால் தான் ஆட்டம் சுவாரஸ்யமாக இருந்ததாக விசே கூறினார்.

பிக்பாஸ் வீட்டின் கல்யாணமாலை :

பிக்பாஸ் வீட்டினருக்கு வரம் பார்க்கும் கல்யாண மாலை செக்மெண்ட் பற்றி பேசும்போது, ஜாக்குலினை டார்கெட் செய்தே எல்லோரும் பேசினார்கள். ஏனெனில், ஜாக்குலினுக்கு மாப்பிள்ளை பார்த்தது முத்துக்குமரனும் ஆனந்தியும் தான். இருவரும் ஜாக்குலினை பாராட்டுவது போல சம்பவம் செய்துவிட்டனர். பிக்பாஸ் வீட்டுல இல்லை, மாப்பிள்ளை கூட எனக்கு கிடைக்காது போல என ஜாலியாக கூறினார் ஜாக். வரம் பாக்கலை. வன்மத்தை தான் பார்த்தோம் என்றார் விசே.

இந்த வாரம் சொல்லிக்கொள்ளும் அளவிற்கு சுவாரஸ்யமாக எதுவும் நடக்காததால், விஜய்சேதுபதியின் இன்றைய எப்பிசோடிலும் எந்த சுவாரஸ்யமுமில்லை. வழக்கம்போல ஒரு மணிநேர எப்பிசோடாகவே முடித்திருக்கலாம். சுவாரஸ்யமாக துவங்கினாலும் கண்டெண்ட் வரட்சியினால் போர் அடிக்க ஆரம்பித்துவிட்டது.

இறுதியாக, இந்த வாரம் எலிமினேஷன் எதுவும் இருக்காது என்றும், வைல்டு கார்ட் போட்டியாளராக சிலர் பிக்பாஸ் வீட்டுக்குள் போக வாய்ப்பு இருப்பதாகவும் கூறப்படுகிறது.