Bigg Boss Tamil 8 : முத்துவை பாராட்டிய பிக் பாஸ், கொழுந்து விட்டு எறியும் பொறாமை | Day 26

நாமினேஷன் ஃப்ரீ பாஸ் போட்டியில் பரபரத்த வீடு, யாருக்கு நாமினேஷன் ப்ரீ பாஸ் கிடைக்கப் போகிறது, பட்டாசு வைத்து பிக்பாஸ் செய்த விளையாட்டு என பல விஷயங்கள் இன்றைய நாளில் நடந்தது. இது BB Tamil 08 Day 26.

தீபாவளி ஸ்பெஷலாக பிக்பாஸ் வீட்டில் விருந்து களைகட்டியதால், வீட்டில் சமையல் நடக்கவில்லை. அவசப்பட்டு சாதம் மட்டும் வடித்துவிட்டார் தீபக். மீந்து போன பிரியாணியை ஃப்ரிட்ஜில் வைக்கும் அவசர கதியில் தீபக் செய்த சாதத்தை வெளியில் எடுத்து வைத்ததால் கடுப்பாகிவிட்டார். முத்துக்குமரனை லூசு என்று திட்டியதால், ஜாக்குலினின் வருத்தப்பட்டார்.

சாப்பாடை வீணாக்க கூடாது என்பதெல்லாம் சரி, அப்படியெல்லாம் திட்டாதீங்க என்று ஜாக்குலின் சொன்னார். எனக்கு சாப்பாடு வீணாவதை தாங்கிக்க முடியாது என சொன்ன விதமும், ஒருவர் சொல்வதை கேட்டுக் கொள்ளும் விதமும் தீபக்கின் மெச்சூரிட்டியை காட்டியது.

இன்றைய நாளின் முதல் டாஸ்கே வீட்டில் பட்டாசு கொளுத்திப் போடும் வேலையை பார்த்திருக்கிறது பிக்பாஸ். பிக்பாஸ் வீட்டுக்குள் யாரு டமால் டுமில் பட்டாசு, யாரு நமத்துப் போன பட்டாசு என்பதை ஒவ்வொருவரும் கூற வேண்டும். டமால் டுமில் என்றால் கிடைக்கிற இடத்தில் எல்லாம் வெடிச்சு இருப்பதை வெளிப்படுத்தக்கூடியவர்.

அதுபோல, நமத்துப் போன பட்டாசு என்றால் இருக்குற இடம் தெரியாமல் புஸ்ஸூன்னு போய்விடுபவர். இந்த லிஸ்டில் டமால் டுமில் பட்டாசு என ஜாக்குலின், சுனிதா, முத்துக்குமரன் பெயர்களும் நமத்துப் போன பட்டாசாக சாச்சனா, ஜெஃப்ரி, சத்யா பெயர்களும் பெரும்பாலும் அடிபட்டது. பின்னர், இதுவே டிஸ்கஷனாகவும் மாறியது.

டை ப்ரேக்கர் போட்டி

இந்த வாரம் நடந்த போட்டிகளில் இரண்டு போட்டிகளில் சம அளவில் இரண்டு டீமும் ஜெயித்திருப்பதால் இன்று டை-ப்ரேக்கர் போட்டி நடந்தது. அதில், க்ரூப் டான்ஸர் நடனம் ஆடியதை வைத்து கேட்கப்படும் கேள்விக்கு பதில் சொல்ல வேண்டும். மெமரி பவர் இருக்கும் டீமே ஜெயிக்க முடியும். அப்போ.. பெண்கள் டீம் தான். ஒவ்வொரு முறையும் மூளையை வைத்து விளையாட வேண்டிய போட்டிகளில் பெண்கள் டீம் தான் ஜெயித்திருக்கிறது.

இந்த முறையும் ஆண்கள் டீம் வென்றது. இறுதியாக, நாமினெஷன் ப்ரீ பாஸ் பெண்கள் வசம் வந்தது. இந்த வாரம் நாமினேஷனில் இருக்கும் அன்ஷிதா, பவித்ரா, ஜாக்குலின், சுனிதா யாருக்கு நாமினேஷன் ப்ரீ பாஸ் கிடைக்கப் போகிறது என்ற எதிர்பார்ப்பு பரபரத்தது.

யாருக்கு நாமினேஷன் ஃப்ரீ பாஸ் கொடுக்கலாம் என்பதில் தீவிரமான டிஸ்கஷன் நடந்தது. அன்ஷிதா எனக்கு பாஸ் வேண்டாம் என்று போல்டாக கூறினார். ஜாக்குலினுக்கு வெளியில் இருந்து ஓட்டு வரும். டீமிலும் பெரும்பாலானவர்களின் ஓட்டு சுனிதாவுக்கு வந்ததால், சுனிதா சேவ் ஆனார். இருப்பினும், சாச்சனா ஒரு கணிப்பு ஒன்றைக் கூறினார்.

சென்ற வாரமும் தர்ஷிகாவுக்கு பாஸ் கொடுக்க வேண்டும் என்று கூறியதும் சாச்சனா தான். இந்த முறை, பவித்ராவுக்கு இந்த பாஸ் போக வேண்டும் என்றார். ஒருவேளை பவித்ரா வெளியேறினால், சாச்சனாவின் கணிப்பு உண்மையாகலாம். பொருத்திருந்துப் பார்க்கலாம்.

யம்மா.. இதெல்லாமா டாஸ்க் :

தினமும் ஒரு முறையாவது ரூல்ஸ் மீறி பெண்கள் வீட்டுக்குள் நுழைந்துவிடுகிறார் செளந்தர்யா. இல்லீகல் எண்ட்ரி என்று பெண்கள் கோவப்படுவார்கள். செளந்தர்யாவுக்கு டாஸ்க் கொடுத்து சம்பவம் செய்யப் போகிறார்கள் என்று எதிர்பார்த்தால் ‘சுனிதாவை கட்டிப் பிடிக்க வேண்டும் ‘ என்று டாஸ்க் கொடுக்கப்பட்டது.

நாமினேஷன் ஃப்ரீ பாஸ் கிடைத்த ஹேப்பியில் இருந்த சுனிதா, செளந்தர்யாவை கட்டிப்பிடித்து பரஸ்பரம் இருவரும் மன்னிப்பு கேட்டுக் கொண்டனர். இது அணுகுண்டு இல்லைடா… வெறும் குண்டு !

இந்த வாரத்துக்கான பெஸ்ட் & வொர்ஸ்ட் யாரென்று கூற வேண்டும். அதன்படி, இந்த வாரத்துக்கான பெஸ்ட் ஆக ஆனந்தியும், சத்யாவும் தேர்வானார்கள். இவர்களே அடுத்த வாரம் கேப்டன் போட்டியில் விளையாடுவார்கள். இந்த வாரம் முத்துக்குமரன் கேப்டன், விஷால் பெண்கள் வீட்டில் இருந்ததால் சத்யாவின் முகம் வெளியே தெரிந்தது.

இந்த வாரம் மோசமாக விளையாட Worst யாரென்று ஜெஃப்ரியும் சாச்சனாவும் தேர்வானார்கள். இருவரும் வீட்டில் இருந்தாலும் இல்லாதது மாதிரி தான். இருவரும் யார் கண்ணுக்கும் தெரிய மாட்டீர்கள் என்று அறிவித்தார் பிக்பாஸ்.

அடுத்த வாரத்துக்கான தலைவனா தலைவியா டாஸ்கை இந்த வாரமே நடத்தப்பட்டது. பொதுவாக திங்கள் நடக்கும் கேப்டன் போட்டியை இந்த வாரமே நடத்திவிட்டார். அதன்படி, ஆனந்தியும், சத்யாவும் போட்டியில் களமிறங்கினார்கள்.

இரண்டாவது முறையாக சத்யா போட்டியில் ஜெயித்தார். பேலன்ஸ் செய்து விளையாட வேண்டுமென்பதால் சிறப்பாக விளையாடி ஜெயித்தார் சத்யா. தர்ஷிகா இரண்டு முறை பிக்பாஸ் வீட்டில் கேப்டன் ஆனார். அதுபோல, சத்யாவும் இரண்டு முறை கேப்டன் ஆகிறார். சத்யா கேப்டன் ஆனதும் பிக் பாஸ் அவருக்கு வாழ்த்து தெரிவித்தார். யாருடைய சார்பாகவும் முடிவுகளை எடுக்காமல், தனித்து முடிவுகளை எடுக்க வேண்டும் என்று அட்வைஸ் செய்தார். அதோடு, முத்துக்குமரன் தான் இதற்கு சிறந்த உதாரணம் என்று பாராட்டினார். அனைவரும் அவருக்காக கைத்தட்டினர். இந்த காட்சி ஒரு மணி நேர எபிசோடில் ஒளிப்பரப்பாகவில்லை. ஏற்கனவே ஆனந்தியும் விஷாலும் முத்துவுக்கு எதிராக புறம் பேசுகின்றனர். பிக் பாஸ் முத்துவை பாராட்டியது கண்டிப்பாக பொறாமையை அதிகரிக்கும். ஆட்டம் சூடு பிடிக்கும்.

இந்த வாரம் பெரிதாக பஞ்சாயத்துகள் வரவில்லை. எதை வைத்து நாட்டாமை செய்யப்போகிறார் சேதுபதி என்பதையும், இந்த வாரம் யார் எலிமினேட் ஆகப் போகிறார் என்றும் பொருத்திருந்துப் பார்க்கலாம்.